५० हजार भारुले बढ्यो बिएमडब्ल्यू जि ३१० आर र जि ३१० जिएसको मूल्य

विएमडव्ल्यूको इन्ट्रि लेवल न्याकेड वाइक जि ३१० आर र जि ३१० जिएस ५० हजार भारुले महंगो भएको छ । यी दूई वाइकको नयाँ मूल्य अव भारतमा २ लाख ७० हजार र ३ लाख १० हजार रुपैयाँ पर्ने जनाइएको छ । विएमडब्ल्यूले यी वाइकलाई केही दिनअघि मात्र नयाँ कलर स्किमसहित अपडेट गरेको थियो ।

यी वाइक रेसिङ व्लू र रेसिङ रेड तथा कस्मिक व्ल्याक गरी कुल २ कलर अप्सनमा उपलब्ध छ । फिचर्स र अन्य मेकानिकल पक्षमा खासै परिवर्तन नगरिएको यो अपडेटेड मोडलमा यसअघिकै ३१३ सीसीको इन्जिनलाई निरन्तरता दिइइको छ । यो वाइकको अधिकतम पावर ९ हजार ५ सय आरपिएममा ३३ बिएचपी र टर्क ७ हजार ५ सय आरपिएममा २८ एनएम रहेको छ ।

६ स्पिड गियर वक्स जडान गरिएको यसमा स्लिपर क्लच समेत दिइएको छ । यसमा १७ इन्चको एलोई ह्विल, दुवै चक्कामा डिस्क व्रेक र डवल च्यानल एबिएस उपलब्ध गराइएको छ । यो वाइकमा पूर्णत एलइडी लाइट र डिजिटल इन्स्ट्रयुमेन्ट क्लस्टर दिइएको छ ।

नेपाली बजारमा यसको विएस६ भर्सनको मूल्य क्रमश १३ लाख ७५ हजार र १४ लाख ७५ हजार रुपैयाँ निर्धारण गरिएको छ । भारतमा ५० हजार रुपैयाँ बढ्दा यो बाइकको मूल्य नेपालमा अव २ लाख रुपैयाँसम्मले महंगो पर्ने अनुमान लगाउन सकिन्छ ।