अव मोटरसाइकलमा पनि पावर स्टेरिङ, यामाहाले थाल्यो तयारी

यामाहाले मोटरसाइकलमा पनि पावर स्टेरिङ टेक्नोलोजीलाई प्रयोगमा ल्याउने भएको छ । इलेक्ट्रिक पावर स्टेरिङ(इपिएस) समेत भनिने यो प्रबिधीले एसिस्टेड स्टेरिङ सिस्टमका रुपमा काम गर्नेछ । यो प्रबिधीलाई यामाहाले आफ्नो डर्ट वाइकमा परिक्षण गरिरहेको जनाइएको छ ।

एक्टिभ स्टेरिङ ड्याम्परको प्रयोग गरिने यो सिस्टममा इलेक्ट्रोम्याग्नेटिक सेटअप रहनेछ । यो युनिटले उच्च गतिमा गुडिरहेको वाइकलाई स्थिर राख्न इलेक्ट्रोनिक स्टेरिङ ड्याम्परको रुपमा काम गर्ने बताइएको छ । जसमा टर्क सेन्सर समेत जडान गरिनेछ ।

यो प्रबिधीलाई यामाहाले आफ्नो इलेक्ट्रिक साइकलमा प्रयोग गरिसकेको र यो सफल समेत भैसकेका कारण डर्ट र रोड वाइकमा यसको प्रयोग गर्न लागेको हो । यो सिस्टमलाई प्रयोग गरी अष्ट्रेलियन मोटोक्रस रेसर जय विल्सनले अल–जापन मोटोक्रस च्याम्पियनसिपमा सहभागित समेत जनाइसकेका छन् । उनले यामाहाको २५० र ४५० सिसी डर्ट बाइकमा यसको परिक्षण गरेका हुन् ।