यस्तो छ लोकप्रिय युट्युबर ध्रुव राठीको कार कलेक्सन

ध्रुव राठी एक लोकप्रिय युट्युबर हुन्। उनी आफ्नो भिडियोका कारण इन्टरनेटमा सधैँ चर्चामा रहन्छन्।

हालै ध्रुव राठी पुनः चर्चामा आएका छन् । यस पटक उनी आफ्नो भिडियोको कारण होइन तर आफ्नो व्यक्तिगत जीवनका कारण चर्चामा छन् । ध्रुवले हालै आफ्नो पहिलो बच्चासँगको तस्बिर इन्टरनेटमा सेयर गरेका छन्, जसको कारण उनी चर्चामा छन् ।

ध्रुव राठीसँग युट्युबमा २ करोड ५० लाखभन्दा बढी सब्सक्राइबरहरु छन्। ध्रुव जर्मनीमा बस्छन् र उनीसँग महँगा महँगा कारको कलेक्सन रहेको छ । रिपोर्टका अनुसार ध्रुव राठीसँग लगभग १० लाख डलरको सम्पत्ति रहेको बताइएको छ ।

ध्रुवसँग कारको कलेक्सन पनि धेरै छ, जसमा करोडौँ मूल्य पर्ने लक्जरी कारहरू पनि समावेश छ । ध्रुव राठीको कार कलेक्सनमा रेन्ज रोभर एसयूभी छ, जुन भारतमा करिब २ करोड ७५ लाख भारु पर्छ ।

कारबाइक३६० का अनुसार ध्रुवसँग मर्सिडीज बेन्ज जीएलसी क्लास पनि छ, जसको मूल्य ८७ लाख ८० हजार भारुबाट सुरु हुन्छ।

उनको कार कलेक्सनमा बीएमडब्ल्यु ५ सिरिज पनि छ, जसको मूल्य ८४ लाख ३५ हजार भारु छ । साथै उनको ग्यारेजमा टेस्ला मोडल ३ इलेक्ट्रिक कार पनि समावेश छ, जसको लागत ४४ हजार १३० यूएस डलर छ ।