२०७८ बैशाख ३ शुक्रबार,

आगामी साता १ करोड बढी मूल्यको प्युजो २००८ नेपाल भित्रिदै, यस्तो छ विशेषता

काठमाडौं – नेपाली बजारमा फ्रेन्च कम्पनी प्युजोको नयाँ एसयूभी प्युजो २००८ भित्रिने भएको छ । नेपालका लागि प्युजोको आधिकारिक वितरक सांग्रिला मोटर्सले सो गाडी आगामी साता भित्रिने बताएको छ ।

सो एसयूभीमा १.२ लिटरको टर्बोचार्ज्ड पेट्रोल इन्जिन छ, जसले ५५०० आरपीएममा १३१ एचपी पावर र १७५० आरपीएममा २३० एनएम टर्क जेनेरेट गर्छ । सो इन्जिनमा ६–स्पिड अटोमेटिक ट्रान्समिसन उपलब्ध छ ।

गाडीको लम्बाई, चौडाई र उचाई क्रमशः ४३००, १७७० र १५५० एमएम छ । १९८ किलोमिटर प्रतिघण्टा टप स्पिड रहेको प्युजो २००८ एसयूभीले ९.१ सेकेन्डमा शून्य देखि १०० किलोमिटर प्रतिघण्टा सम्मको गति लिन सक्छ ।

गाडीमा सुरक्षाका लागि ६ वटा एयरब्याग, ईबीडी र बीएस सहितको एबीएस, ट्रयाक्सन कन्ट्रोल, हिल असिस्ट फङ्सन र क्रुज कन्ट्रोल तथा स्पिड लिमिटर आदि उपलब्ध छ । त्यसैगरी प्यानोरामिक सनरुफ, साइड इन्डिकेटर र अटो बिम असिस्ट सहितको फुल एलईडी हेडलाइट, ड्युअल टोन कलर, वायरलेस चार्जिङ प्लेट र रियर क्यामेरा सहितको रियर पार्किङ एड रहेको छ ।

गाडी भित्र विशेष प्रकारको एसी रहेको छ । यसले गाडी भित्र न्यानो वा आवश्यकता अनुसारको वातावरण निर्माण गर्न सकिन्छ । गाडीमा १७ इन्चको अलोय ह्विल र अन्य विभिन्न विशेषता रहेका छन् ।

tvs-race thee-go

यो गाडीको मूल्य कम्पनीले त्यतिबेलै औपचारिक रुपमा सार्वजनिक गर्नेछ । यद्यपि यसको मूल्य १ करोड रुपैयाँ भन्दा बढी हुने अनुमान गर्न सकिन्छ ।

नेपाली बजारमा पहिले देखि नै प्युजो ३००८ बिक्रीका लागि उपलब्ध छ । विभिन्न ७ भेरिएन्टमा उपलब्ध सो गाडीको मूल्य १ करोड ३२ लाख देखि १ करोड ५५ लाख रुपैयाँ सम्म छ ।

 

Motorhead

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...