ओमोडा ई५ किन्दा १ लाख ५० हजार एक्सचेन्ज बोनस, बजेट अघिकै मूल्यमा खरिद गर्न सकिने

काठमाडौँ — नेपाली बजारमा लोकप्रिय बन्दै गएको विद्युयित कार ओमोडाले नयाँ एक्सचेन्ज अफर ल्याएको छ । ओमोडाको नेपालका लागि आधिकारिक वितरक एसपीजी अटोमोबाइल्सले ल्याएको यस योजना अन्तर्गत ग्राहकले आफ्नो पुरानो गाडी एक्सचेन्ज गरी ओमोडा ई५ खरिद गर्दा १ लाख ५० हजार रुपैँया एक्सचेन्ज बोनस प्राप्त गर्न सक्नेछन् ।

साथै प्रत्येक खरीदमा ग्राहकलाई ७ किलोवाट चार्जर पनि प्रदान गरिने कम्पनीले जनाएको छ । यो योजना अवधीभर ओमोडा ई५ को सीमित स्टकसँग आफ्नो गाडी एक्सचेन्ज गर्ने ग्राहकले विभिन्न आकर्षक लाभहरू प्राप्त गर्नेछन् ।

सिमित स्टकका ओमोडा ई५ प्रि बजेट मूल्यमा खरिद गर्न सकिने र चालु आर्थिक वर्षको लागि सडक कर (रोडट्याक्स)मा पूर्ण छुट पाइने कम्पनीले जनाएको छ । साथै, नगद छुट, निशुल्क टि–बक्स र प्रत्येक एक्स्चेन्जमा ७ किलोवाटको चार्जर समेत निःशुल्क पाउन सकिनेछ । ई५ लाई कम्पनीले ६१ लाख ९९ हजारमा बिक्री गर्दै आएको छ ।

गत फेब्रुअरीमा सार्वजनिक गरे देखिनै ओमोडा ई५ प्रति नेपाली बजारले देखाएको सकारात्मक प्रतिक्रियाबाट आँफूहरु निकै उत्साहित बनेको एसपिजि अटोमोबाइल्स प्रालिका प्रबन्ध निर्देशक गौरव शारडाले बताए । ‘ओमोडा गाडी खरिद गरी विद्युतीय सवारीसाधनतर्फ ‘अपग्रेड’ हुन चाहने नेपालीहरूका लागि यो अफर प्रस्तुत गर्न पाउँदा हामी उत्साहित छौँ । हामीले सबै नेपालीलाई दिगो सवारीसाधनतर्फ उन्मुख गराउन र हाम्रा ग्राहकहरूलाई उत्कृष्ट मूल्य र आकर्षक सुविधाहरू प्रदान गरी सहयोग पुर्याईरहेका छौं’ उने भने ।