नेपाल आउने तयारीमा ओमोडा ईभी, यस्तो छ सी५ एसयुभी

काठमाडौं– चीनबट एकपछि अर्को नयाँ ईभी ब्रान्ड आउने क्रममा ओमोडा पनि नेपाल आउने भएको छ । नेपालमा चेरी गाडी आयात गरी बिक्री गर्दै आएको कम्पनी एसपीजी अटोमोबाइल्सले यो ब्रान्डलाई नेपाल ल्याउने तयारी थलेको थालेको हो।

चेरी मातहतको ईभी ब्रान्ड ओमाडाले अहिले सी५ मोडलको एसयूभी बिक्री गर्दै आएको छ । सो नयाँ एसयुभीलाई कम्पनीले अप्रिलमा आयोजना भएको सांघाई अटो शोमा लन्च गरेको थियो । संभवत सोही मोडल नै यसको नेपाल आउने पहिलो ईभी हुनसक्ने अनुमान गर्न सकिन्छ ।

ओमोडा नेपाल आउन लागेको जानकारी गराउँदै एसपिजी अटोमोबाइल्सले यस ब्रान्डका बारेमा केही जानकारी सेयर गरेको छ । कम्पनीका अनुसार ओमोडाले ‘क्रस फ्युचर’को रूपमा आफ्नो ब्रान्ड स्थापना गर्दछ । ओमोडाले आफुलाई ‘ओमोडा, क्रस फ्रम फ्युचर, क्रस फर फ्युचर’ को रूपमा प्रस्तुत गर्दछ । जसको अर्थ ‘भविष्यबाट भविष्यका लागि क्रसओभर गाडी’ भन्ने हुन्छ ।

ओमोडाले गुणस्तरीय कार खोज्ने उपभोक्ताहरूलाई लक्षित गरी फ्युचरिस्टिक गाडीहरू डिजाइन गर्ने गरेको कम्पनीले जनाएको छ । ।