ओलाले आफ्नो पहिलो इलेक्ट्रिक बाइक सन् २०२६ मा लन्च गर्ने

ओलाले आफ्नो पहिलो इलेक्ट्रिक मोटरसाइकल लन्च गर्ने तयारी गरिरहेको छ । ओलाको पहिलो इलेक्ट्रिक बाइक सन् २०२६ मा भारतीय बजारमा आउनेछ । कम्पनीले ४ वटा इलेक्ट्रिक बाइक उत्पादन गर्ने योजना बनाएको छ । गत वर्ष ओलाले डायमण्डहेड, एडभेन्चर, रोडस्टर र क्रुजर डिजाइनका ४ नयाँ बाइक सार्वजनिक गरेको थियो ।

कम्पनीले सन् २०२६ को पहिलो ६ महिनामा यी मोटरसाइकल उपलब्ध गराउने योजनामा ​​काम गरिरहेको छ । साथै कम्पनीले मोटरसाइकलसँगै उत्पादन पोर्टफोलियोलाई अझ विस्तार गर्ने योजना बनाएको छ ।

ओला इलेक्ट्रिकले हालै आफ्ना ३ वटा मोटरसाइकल र रिमुभेवल इलेक्ट्रिक ब्याट्रीको डिजाइनका लागि पेटेन्ट दर्ता गरेको थियो । ओला कम्पनीले विद्युतीय दुई पाङ्ग्रेमा ३० प्रतिशत बजार हिस्सा ओगटेको छ ।

ओलाले हाल ३ इलेक्ट्रिक स्कुटर एस१ प्रो, एस१ एयर र एस१ एक्स बिक्री गरिरहेको छ । ओलाका इलेक्ट्रिक स्कुटरले बजाज अटो, टीभीएस मोटर र एथरका इलेक्ट्रिक स्कुटरसँग प्रतिस्पर्धा गर्छ। बाइक सेग्मेन्टमा ओलाले ओबेन, हप, ओकिनावा, रिभोल्ट र कबिरालगायत अन्य कम्पनीसँग प्रतिस्पर्धा गर्नेछ।