टीभीएस, बजाज र एथरको प्रभाव बढ्दा ओलाको बजार हिस्सा ५० प्रतिशतले घट्यो

भारतिय इलेक्ट्रिक टु–ह्विलर बजारमा सर्बाधिक बिक्री हुने ब्रान्डका रुपमा परिचित ओलाको बिक्री नराम्रोसँग प्रभावित भएको छ । बजाज अटो, टीभीएस र एथर इनर्जी जस्ता प्रतिद्वन्द्वीहरुले बजार हिस्सा बढाउँदा २०२५ मा ओलाको बजार हिस्सा ५० प्रतिशत भन्दा बढीले घटेको हो ।

वाहनको तथ्याङ्क अनुसार, ओला इलेक्ट्रिकले यस वर्ष १ लाख ९६ हजार ७६७ युनिट बेचेको छ । जसको बजार हिस्सा ३६.७ प्रतिशतबाट घटेर २०२५ मा १६.१ प्रतिशत पुगेको छ ।

यस वर्ष इलेक्ट्रिक टु–ह्विलर सेग्मेन्टमा टीभीएसले अग्रता लिएको छ । टीभीएसले २०२५ मा २ लाख ९५, हजार १५ युनिट ई–स्कुटर बिक्री गर्दै बजार हिस्सा २४.२ प्रतिशत पुर्याएको छ ।

दोस्रो स्थानमा रहेको बजाजको हिस्सा २१.९ प्रतिशत छ भने तेस्रो स्थानमा त्यसपछि एथर इनर्जी रहेको छ । एथर इनर्जीको हिस्सा २०२४ मा ११.३ प्रतिशत रहेकोमा २०२५ मा बढेर १६.२ प्रतिशत पुगेको छ ।

हिरो मोटोकर्पले पनि यस वर्ष आफ्नो भिडा ब्रान्डको साथ ई–स्कुटर खण्डमा प्रवेश गर्न सफल सफल भएको छ । कम्पनीको हिस्सा २०२४ मा ३.९ प्रतिशत थियो जुन, बढेर २०२५ मा ८.८ प्रतिशत पुगेको छ ।