एमआईटीले ल्यायो इलेक्ट्रिक भेइकलको लागि नयाँ कोबाल्टमुक्त जैविक ब्याट्री

म्यासाचुसेट्स इन्स्टिच्युट अफ टेक्नोलोजी (एमआईटी) का अनुसन्धानकर्ताले नयाँ ब्याट्रीको डिजाइन गरेका छन् जसले इलेक्ट्रिक भेइकललाई थप दिगो बनाउन मदत गर्नेछ । अब नयाँ ब्याट्रीमा कोबाल्ट वा निकलको सट्टा अब कार्बनिक पदार्थमा आधारित क्याथोडको प्रयोग हुनेछ ।

लिथियम–आयोन ब्याट्रीमा क्याथोडको रूपमा कोबाल्टको प्रयोग भएको हुन्छ । यसले विषाक्त फोहोर उत्पादन गर्छ र वरपरको जमिन, हावा र पानीलाई प्रदूषित गर्छ । यो अवस्थामा एमआईटीले नयाँ ब्याट्रीको आविष्कार गरेको छ ।

रिपोर्टका अनुसार एमआईटीले विकास गरेको ब्याट्रीमा भण्डारण क्षमता बढी हुने र कोबाल्ट ब्याट्री भन्दा छिटो चार्ज गर्न सकिनेछ । यो कोबाल्ट युक्त ब्याट्री भन्दा कम लागतमा उत्पादन गर्न सकिन्छ । यद्यपि यसको क्षमता कोबाल्ट ब्याट्री समान हुन्छ ।

कोबाल्ट ब्याट्रीमा धेरै कमजोरीका कारण वैकल्पिक ब्याट्रीका लागि धेरै अनुसन्धान गरिएको छ । यस्तै एउटा लिथियम आइरन फस्फेट पनि हो, जसलाई केही कार निर्माताले इलेक्ट्रिक सवारी साधनमा प्रयोग गर्न थालेका छन् । यद्यपि यसमा कोबाल्ट र निकल ब्याट्रीको आधा ऊर्जा घनत्व मात्र हुन्छ ।