शिकागो अटो शोमा कल, म्यासेज र डेटा एक्सेस भएका कार

अमेरिकामा कोभिड–१९ को महामारी पछि पहिलो पटक शिकागो अटो शो आयोजना भएको छ । गत जुलाई १५ देखि १९ सम्म सम्पन्न उक्त शोमा विभिन्न अटोमोबाइल निर्माता कम्पनीहरुले एड्भान्स टेक्नोलोजी र फिचर सहितका कार सार्वजनिक गरेका छन् । यी कारमा सेफ्टीमा पनि विशेष ध्यान दिइएको छ ।

यदि कार ड्राइभको समयमा कार लेन भन्दा बाहिर गएमा कारले अलर्ट गर्छ । साथै पैदल यात्री अचानक कारको अगाडि आएमा अटोमेटिक ब्रेकिङ सिस्टमबाट गाडी रोकिन्छ । बाँया पट्टिबाट कुनै सवारी आएमा र चालकले नदेखेमा चेतावनी पनि दिन्छ । यस्ता विभिन्न प्रकारका सवारी साधन प्रदर्शनीमा राखिए ।

फक्सवागन गोल्फ जीटीआई/आर स्पेसिफिकेशन
फक्सवागनले गोल्फ सिरिजमा दुई कार जीटीआई र आर सार्वजनिक गरेको थियो । दुबैमा ड्राइभर असिस्टेन्स टेक सुइट रहेको छ । यसमा सेमी अटोमेटेड ड्राइभिङ र पार्किङको विकल्प पनि रहेको छ । कार कतै ठोकिने सम्भावना भएमा चेतावनी, अटोमेटिक इमर्जेन्सी ब्रेकिङ, ब्लाइन्ड स्पोट मनिटरिङ, लेन डिपार्चर वार्निङ र लेन किपिङ असिस्ट जस्ता सेफ्टी फिचर रहेको छ । आर मोडलमा ३० रङको एम्बिएन्ट लाइटिङ पनि रहेको छ ।

लेक्सस एनएक्स २०२२
यो प्लग इन हाइब्रिड मोडल हो । साथै यसको डोर इलेक्ट्रोनिक मेकानिज्म भएको हो । इन्टेलिजेन्ट लो बीम फिचरले अगाडिबाट आएको गाडीको लाइट कम गर्न मदत गर्छ । यसमा पेडेस्ट्रियन डिटेक्शन एन्ड ब्रेकिङ फिचर पनि समावेश गरिएको छ । बिल्ट इन सिम फाइभजी टेक्नोलोजीले स्मार्ट डिभाइसको कार्य गर्छ ।

बीएमडब्ल्यु ९
कम्पनीको फ्ल्यागसिप इलेक्ट्रिक क्रसओभर पनि रहेको छ । ग्रिलमा ही रडार, सेन्सर र क्यामेरा समावेश गरिएको छ । फ्युचरिस्टिक क्याबिन पनि रहेको छ र यसमा कम्पनीले पहिलो पटक हेक्सागोनल स्टेयरिङ समावेश गरेको छ । यसमा बिल्ट इन सिम फाइभजी टेक्नोलोजीको व्यवस्था पनि रहेको छ । यसले कार स्मार्ट डिभाइसमा परिवर्तन हुन्छ, अर्थात् फोन घरमा नै भुलेमा कारको मदतले कल, म्यासेज र डेटा एक्सेस पनि गर्न सकिन्छ ।