ईभीसहित तीन भिन्न पावरट्रेनमा आउँदै नयाँ जीप कम्पास, छिट्टै ग्लोवल डेब्यू हुने

जीपले आफ्नो लोकप्रिय एसयुभी कम्पासको २०२५ संस्करण छिट्टै लन्च गर्ने तयारी गरेको छ । ग्लोवल डेब्यूअघि लिक भएका तस्विरबाट नयाँ कम्पास अवको केही समयपछि लन्च हुने तयारीमा रहेको अनुमान गरिएको हो ।

नयाँ कम्पासलाई जीपले आफ्नो नयाँ प्लेटफर्म एसटिएलएमा तयार पार्न लागेको र यो इटालीको मेल्फीमा उत्पादन भई सबैभन्दा पहिले युरोपमा डेब्यू हुनेछ ।

जीपले केही महिना अघि नयाँ एसयूभीको टिजरहरू सार्वजनिक गरेको थियो । जसअनुसार, नयाँ कम्पासको हेडल्याम्पहरू चेरोकीबाट प्रेरित देखिएको छ भने ग्रिलमा केही लाइट इलिमेन्टहरु पनि देख्न सकिन्छ ।

सिग्नेचर एलईडी सहतिको नयाँ टेल ल्याम्प र अगाडि तथा पछाडि दुवै बम्परहरूमा आक्रामक स्टाइल दिइएको नयाँ कम्पासमा साइड बडी क्ल्याडिङ र ब्ल्याक रुफ समेत देख्न सकिन्छ । नयाँ कम्पास आइसिई, हाइब्रिड र प्योर ईभी पावरट्रेनमा उपलब्ध हुने जनाइएको छ । साथै, केही मोडलमा अल ह्विल ड्राइभ सिस्टम समेत उपलब्ध हुनेछ ।

जीपको माउ कम्पनी स्टेलान्टिसले नयाँ जेनेरेशन कम्पासालाई भारतिय बजारमा लन्च नगर्ने यसअघि नै घोषणा गरिसकेको छ । जसअनुुसार, नयाँ कम्पास सिधै युरोपबाट नेपाल आउनेछ । भारतमा अहिले यसको फेसलिफ्ट भर्सन एसेम्वल हुँदै आएको छ भने नेपालमा समते भारतमै एसेम्वल गरिएका मोडलहरु उपलब्ध छन् ।