३ इन्जिन विकल्पसहित लन्च हुने तयारीमा नयाँ हुन्डाई भेन्यु

हुन्डाई मोटर्सले भारतीय बजारमा आगामी हप्ता नयाँ पुस्ताको हुन्डाई भेन्यु आधिकारिक रूपमा लन्च गर्ने तयारी गरिरहेको छ । कम्पनीले यसअघि नै सो कम्प्याक्ट एसयूभीमा समावेश हुने फिचर र नयाँ इन्जिन विकल्पहरूको जानकारी सार्वजनिक गरिसकेको छ ।

सो एसयूभीको लम्बाइ ३९९५ एमएम, चौडाइ १८०० एमएम, उचाइ १६६५ एमएम र ह्विलबेस २५२० एमएम रहेको छ।

नयाँ भेन्युको एक्सटेरियरमा ट्विन-हर्न एलईडी डीआरएल, क्वाड-बीम एलईडी हेडल्याम्प, होरिजन एलईडी पोजिसनिङ ल्याम्प र रियर होरिजन एलईडी टेलल्याम्प जस्ता अत्याधुनिक सुविधा दिइएको छ । साथै गाढा क्रोम रेडिएटर ग्रिल, ब्रिज-टाइप रूफ रेल, सिग्नेचर सी पिलर गार्निश, मसल ह्विल आर्च, १६ इन्च डायमन्ड-कट अलोय ह्विल र इन-ग्लास जस्ता विशेषताले यसको लुकलाई अझ आकर्षक बनाएको छ ।

इन्टेरियर भागमा पनि निकै प्रिमियम परिवर्तन गरिएको छ । यसमा ड्युअल १२.३ इन्च कर्भ्ड प्यानोरामिक डिस्प्ले, ड्युअल टोन लेदर सिट, २ स्टेप रियर सिट, इलेक्ट्रिक ४ वे ड्राइभर सिट, रियर एसी भेन्ट, विन्डो सनशेड, कफी टेबल सेन्ट्रल कन्सोल, मुन ह्वाइट एम्बियन्ट लाइटिङ, डी कट स्टेयरिङ ह्विल र प्रिमियम लेदर आर्मरेस्टजस्ता फिचर प्रदान गरिनेछ।

सेफ्टीका लागि लेभल २ एडीएएस, ६ एयरब्याग, उच्च–ग्रेड स्टील, ईसीएस, एचएसी, इलेक्ट्रिक पार्किङ ब्रेक, चारै पाङ्ग्रामा डिस्क ब्रेक, टीपीएमएस, थ्री पोइन्ट सिट बेल्ट, एसभीएम र रोलओभर सेन्सरसहित ६५ भन्दा बढी फिचर उपलब्ध गराएको छ ।

कम्पनीले यसमा तीन इन्जिन विकल्प उपलब्ध गराउनेछ। पहिलो १.२ लिटर एमपीआई पेट्रोल इन्जिनले ६१ किलोवाट पावर र ११४.७ एनएम टर्क उत्पादन गर्नेछ भने दोस्रो १ लिटर टर्बोचार्ज्ड पेट्रोल इन्जिनले ८८.३ किलोवाट पावर र १७२ एनएम टर्क दिनेछ । यी इन्जिनमा म्यानुअल, आईएसजी र ७ स्पिड डिसीटी ट्रान्समिसनको विकल्प रहनेछ। साथै यसमा रूपमा १.५ लिटर यू२ सीआरडीआई डिजेल इन्जिनले ८५ किलोवाट पावर र २५० एनएम टर्क उत्पादन गर्नेछ, जसमा ६ स्पिड म्यानुअल र ६ स्पिड अटोमेटिक ट्रान्समिसन उपलब्ध हुनेछ।

नयाँ पुस्ताको भेन्युले सुजुकी ब्रेजा, किया सोनेट, महिन्द्रा एक्सयूभी ३एक्सओ, किया साइरोस र टाटा नेक्सनजस्ता लोकप्रिय कम्प्याक्ट एसयूभीसँग प्रतिस्पर्धा गर्नेछ ।