हाइब्रिड इन्जिनसहित आउँदै नयाँ पुस्ताको मारुती सुजुकी वागन आर

मारुती सुजुकीले आफ्नो ह्याचब्याक गाडी वागन आर हाइब्रिड इन्जिनमा ल्याउने भएको छ । जापानी मिडियाका अनुसार नयाँ जेनेरेसन मारुती सुजुकी वागन आरमा पूर्ण रूपमा हाइब्रिड सिस्टम उपलब्ध हुनेछ । यदि यो रिपोर्ट सही भएमा वागनआर पूर्ण हाइब्रिड सिस्टमसँग सुसज्जित पहिलो सानो कार हुनेछ ।

नयाँ वागन आर ६६६ सीसी, ३ सिलिन्डर पेट्रोल इन्जिन र इलेक्ट्रिक मोटरद्वारा सञ्चालित हुने सम्भावना छ। पेट्रोल इन्जिनले ५३ बीएचपी पावर र ५८ एनएम टर्क जेनेरेट गर्नेछ भने इलेक्ट्रिक मोटरले १० बीएचपी पावर र २९.५ एनएमको टर्क जेनेरेट गर्नेछ। यसको पावरट्रेन सेटअप ईसीभीटी गियरबक्ससँग जोडिनेछ।

जापानमा नयाँ जेनेरेसनको वागन आर हाइब्रिडको लम्बाइ ३३९५ एमएम, चौडाइ १४७५ एमएम, उचाइ १६५० एमएम, ह्विलबेस २४६० एमएम र कर्ब वजन ८५० केजी हुनेछ । रिपोर्टका अनुसार नेक्स्ट जेनरेशन वागनआरमा हिङ्ग्ड डोरको सट्टा स्लाइडिङ डोर हुनेछ।

नयाँ पुस्ताको वागन आरले फुल हाइब्रिड सिस्टम पाएमा ३० किलोमिटर भन्दा बढी माइलेज दिने अपेक्षा गरिएको छ। सम्भवत: यसले ३३.४७ किलोमिटर प्रति किलोग्राम मूल्याङ्कन गरिएको सीएनजी संस्करणको माइलेजलाई पनि पार गर्न सक्ने अनुमान गरिएको छ ।

फुल हाइब्रिड सिस्टम थपेपछि सो ह्याचब्याक गाडीको मूल्यमा उल्लेख्य वृद्धि हुनेछ ।