वर्ष २०७९ मा नेपाल आए यी नयाँ इलेक्ट्रिक कार, मूल्य २३ लाख ५० हजारदेखी ९० लाखसम्म

काठमाडौं– वर्ष २०७९ मा विभिन्न ब्रान्डका नयाँ इलेक्ट्रिक कार नेपाल आएका छन् । बजारमा इलेक्ट्रिक कारको माग वढेसंगै व्यावसायीले नयाँ व्रान्डका कार ल्याउने क्रमलाई तीव्र वनाएका हुन् । चालु आर्थिक वर्षको बजेटमा सरकारले १०० किलोवाट माथीका इभीमा भारी मात्राले कर वढाएपछि व्यावसायीले पनि १०० किलोवाट क्षमतासम्मका कारमा वढी जोड दिएको देखिन्छ ।

२०७९ मा हेनरी, नेटा, वुलिङ र रेसीन्स गरी कुल चारवटा नयाँ व्रान्ड नेपाल भित्रिए । यसैगरी हाउजी व्रान्ड नेपाल आएपनि यसको पर्फमेन्स राम्रो नभएको भन्दै सिजी मोटर्सले यसको बिक्री नगर्ने निर्णय गर्यो । यो वर्ष नेपाल आएको नयाँ कारमा सवैभन्दा सस्तो कार हेनरी रहेको छ । नेपालका लागि आधिकारिक वितरक पायोनियर वल्र्डवाईड प्रालिले ल्याएको यो कारको मूल्य २३ लाख ५० हजार तोकिएको छ ।

नेपाल आएका यी चार नयाँ व्रान्ड मध्ये सवैभन्दा वढी चर्चा भने नेटा भीले वटुल्यो । औपचारीक लन्च हुनु अगावै मूल्य महंगो भनेर चर्चामा आएको यो कारलाई सीजी मोटर्सले ३८ लाख रुपैयाँमा बिक्री गर्दै आएको छ । यो नयाँ कार अहिले इभी पारखीको रोजाइमा परिरहेको छ ।

यसैगरी अर्को मिनी कार रेसीन्सलाई जीमीनी इन्कर्पोरेटले पहिलो पटक नेपाल ल्याएको हो । यो कारलाई अहिले कम्पनीले २५ लाख रुपैयाँमा बिक्री गरिरहेको छ । इभी नेपाल मोटर्सले ल्याएको अर्को मिनी कार वुलिङको मूल्य २५ र ३० लाख रुपैयाँ निर्धारण गरिएको छ । यी नयाँ व्रान्डमा नेटा भीले राम्रो कारोवार गरेपनि अन्य व्रान्डले भने खासै गती लिन सकिरहेका छैनन् ।

इभी बजारमा सवैभन्दा लोकप्रिय वनेको एमजी जेडएस इभीलाई पारामाउन्ट मोटर्सले यसै वर्षको अन्त्यदेखी पुनः वुकिङ खुल्ला गरेको छ । शुरुमा कम्पनीले जेडएस इभीको लङ रेन्जको वुकिङ खुल्ला गरेको थियो भने लगत्तै यसको ९९ किलोवाट क्षमताको मोटर जडित मोडलको पनि वुकिङ खुल्ला गर्यो । पारामाउन्टले अहिले जेडएस इभीको लङ रेन्जलाई ८२ लाख र ९९ किलोवाटलाई ४८ लाख ५० हजारमा बिक्री गर्ने भन्दै वुकिङ लिइरहेको छ ।

वीवाइडीले आफ्नो वहुप्रतिक्षित एट्टो३ लाई यसै वर्ष नेपाल ल्याएको छ । शुरुमा १५० किलोवाटको एट्टो३ ल्याएर बिक्री थालेको आधिकारिक वितरक साइमेक्स इंकले पछि यसको मोटर क्षमता घटाएर १०० किलोवाटमा ल्याएको हो । कम्पनीले १५० किलोवाट एट्टो३ को मूल्य ८९ लाख ९० हजार तोकेर बिक्री गरेको केही समयपछि १०० किलोवाट एट्टो३ लाई ६४ लाख ९० हजारमा बिक्री गर्ने भन्दै वुकिङ लिन थालेको हो ।

हुन्डाई गाडीको आधिकारिक विक्रेता लक्ष्मी इन्टरकिन्टनेन्टलले आफ्नो लोकप्रिय इलेक्ट्रिक क्रसओभर कोनाको नयाँ भेरिएन्ट एनएसलाई यसै वर्ष नेपाल ल्याउन सफल भएको छ । त्यसअघि जीएल र जीएलएस भेरिएन्टको बिक्री गर्दै आएको कम्पनीले नयाँ भेरिएन्टलाई ५९ लाख ९६ हजारमा नेपाल ल्याएको हो ।

यी इभी वाहेक यो वर्ष फोटोन मोटर्सको आधिकारिक विक्रेता एमएडव्लू वृद्धि कमर्सियल भेइकलले सो व्रान्डको इलेक्ट्रिक भ्यान र कार्गोलाई नेपाल ल्याएको छ ।