नयाँ दिपल ई०७ अब नेपाली जंगल र पहाडका लागि तयार

दिपल ई०७ ले गत वर्ष नेपालमा सार्वजनिक भएपछि आफ्नो ट्रान्सफर्मेसन क्षमताका कारण छुटै छाप छोड्दै नयाँ सेग्मेन्टको सुरुवात गरेको थियो । विश्वकै पहिलो ट्रान्सफर्मर एसयुभी भनेर चिनिएको ई०७ ले ईभीको परिभाषा नै बदलिदिएको थियो आफ्नो मल्टिफंक्सन, इन्टेलिजेन्स र इमोसन इन्टिग्रेसनका कारण । अब यो ईभी महत्वपूर्ण अपडेटहरुसहित नेपालमा फर्किने भएको छ एउटा एड्भेन्चर मेसिनका रुपमा ।

नयाँ अपग्रेडको केन्द्रमा छ यसको कन्टिनियस ड्याम्पिङ कन्ट्रोलसहितको नयाँ एड्भान्स्ड एयर सस्पेन्सन सिस्टम रहेको छ जसलाई म्याजिक कार्पेट सस्पेन्सन पनि भनिन्छ । यो इन्टेलिजेन्ट सिस्टमले एसयूभीको उचाई २२३ एमएमसम्म समायोजन गर्न सक्छ जसले राजमार्गमा सहजता र बिग्रिएका सडक र अफरोड ट्रेलमा अदभुत आत्मविश्वास प्रदान गर्छ । सस्पेन्सनले सडकको अवस्थालाई वास्तविक समयमा पढेर प्रतिक्रिया दिन्छ जसले जहाँ पुगे पनि यात्रालाई सहज र सुरक्षित बनाउँछ ।

ई०७ को लोकप्रिय ट्रान्सफर्मेसन क्षमता नै यसको आत्मा हो । यसको विशिष्ट स्लाइडिङ रियर डोम डिजाइनले गाडीलाई सजिलै चार मोड– एसयूभी, पिकअप, क्याम्पिङ र आरभीमा रुपान्तरण गर्न सक्षम बनाउँछ । यसले दैनिक अफिस यात्रादेखि सप्ताहन्तको साहसिक यात्रा र लामो अन्वेषणसम्म सबैलाई एउटै गाडीमा सम्भव बनाउँछ । यति स्तरको बहुआयामिकता संसारका थोरै गाडीहरुमा मात्र पाइन्छ, जसले ई०७ लाई नेपाल जस्तो विविध भौगोलिक बनावट र जीवनशैली भएको देशका लागि अत्यन्तै उपयुक्त बनाउँछ ।

यी सबै यात्रालाई शक्ति दिन्छ ८९.९८ किलोवाट आवरको ब्याट्रीले जसले ५६६ किमी डब्लुएलटीपी रेन्ज प्रदान गर्छ साथै २४० किलोवाट आवरको डीसी फास्ट चार्जिङ सुविधाले लामो चार्जिङको झन्झट हटाउँछ । जब सडक समाप्त हुन्छ ई०७ रोकिँदैन । यसको ६०० एमएम वाटर वेडिङ क्षमता, मजबुत अन्डरबडी प्रोटेक्सन र ६ किलोवाट भीटुएल सिस्टमले यसलाई क्याम्पिङ, उपकरण र बाहिरी जीवनशैलीका लागि मोबाइल पावर स्टेसनमा रुपान्तरण गर्छ ।

भित्रको संसारमा साहसिक यात्रासँग लक्जरी मिसिएको छ । सबै चार सिटमा मसाज, हिटिङ र भेन्टिलेसन प्रिमियम नाप्पा लेदर, १४ वे पावर एडजस्टेबल फ्रन्ट सिट र जिरो ग्रयाभिटी रिल्याक्सेसन मोडले हरेक यात्रालाई विश्रामको अनुभव बनाउँछ । विशाल २८.८६ इन्चको हेड अप डिस्प्ले, १४.४ इन्चको सनफ्लावर टचस्क्रिन, ५४० डिग्रीको सराउन्ड भ्यु सिस्टम र एड्भान्स्ड ड्राइभर असिस्ट सिस्टमले हरेक वातावरणमा पूर्ण आत्मविश्वास र सुरक्षा सुनिश्चित गर्छ ।

पक्कै पनि नयाँ दिपल ई०७ ट्रान्सफर्मर एक्सले ईभी क्रान्तिलाई अघि बढाउने मात्र छैन सीमा विस्तार पनि गर्नेछ ।