स्मार्ट फिचर र ३ नयाँ भेरिएन्ट सहित नयाँ २०२५ ‘किया सेल्टोस’ लन्च, यस्तो छ मूल्य

किया इन्डियाले आफ्नो लोकप्रिय एसयूभी सेल्टोसको २०२५ अपडेटेड मोडल लन्च गरेको छ । अपडेट गरिएको सेल्टोसमा स्मार्टस्ट्रीम १.१ लिटर पेट्रोल र १.५ लिटर सीआरडीआई डिजेल इन्जिन विकल्प सहित ८ नयाँ भेरिएन्टमा पेश गरिएको छ । साथै किया सेल्टोस अब कुल २४ भेरिएन्टमा उपलब्ध हुने भएको छ ।

नयाँ किया सेल्टोसमा ३ नयाँ भेरिएन्ट एचटीई(ओ), एचटीके(ओ) र एचटीके प्लस(ओ) समावेश छ, जसले यसलाई अझ आकर्षक बनाएको छ।

सेल्टोस एचटीई(ओ) :  यसको मूल्य ११ लाख १३ हजार भारु मूल्य रहेको छ। सो एसयूभीमा ८ इन्चको टचस्क्रिन इन्फोटेनमेन्ट सिस्टम, ६ स्पिकर अडियो सिस्टम, स्टेयरिङ माउन्टेड अडियो कन्ट्रोल, एलईडी डीआरएल र एलईडी रियर कम्बी ल्याम्प, रियर भ्यू मिरर र कनेक्टेड टेल ल्याम्प जस्ता फिचर समावेश छ ।

सेल्टोस एचटीके(ओ) : किया सेल्टोस एचटीके(ओ) को मूल्य १२ लाख ९९ हजार भारु रहेको छ । यसमा प्यानोरामिक सनरुफ, १६ इन्चको अलोय ह्विल, क्रूज कन्ट्रोल, इल्युमिनेटेड पावर विन्डोज, रुफ रेल र रियर वाइपरको साथमा वाशर र डिफगर, साउन्ड सिङ्क सहितको मुड ल्याम्प र स्मार्ट कि मोशन सेन्सर जस्ता उन्नत फिचर दिइएको छ ।

सेल्टोस एचटीके प्लस(ओ) : यसको मूल्य १४ लाख ३९ हजार भारु तोकिएको छ । यसमा १७ इन्चको अलोय ह्विल, एलईडी हेडल्याम्प र टर्न सिग्नल एलईडी सिक्वेन्स लाइट, एलईडी फग ल्याम्प, ग्लोसी ब्ल्याक रेडिएटर ग्रिल, अटो फोल्ड आउटसाइड रियर भ्यू मिरर, स्मार्ट की मोशन सेन्सर आदि जस्ता अन्य सुविधा समावेश गरिएको छ ।