नेपाल आउने तयारीमा रहेको जीपको यो इलेक्ट्रिक एसयूभीले पायो ‘यूरोपियन कार अफ द इयर’ अवार्ड

जीपको पहिलो इलेक्ट्रिक एसयूभी एभेन्जरले युरोपमा प्रतिष्ठित अवार्ड हात पारेको छ । सन् २०२३ का लागी ‘यूरोपियन कार अफ द इयर’ अवार्ड जितेको यो एसयूभी अवको केही समयपछि नेपाली बजारमा समेत आउने अनुमान गरिएको छ । यो एसयूभीलाई जीपले ३ महिना अघि पेरिस मोटर शोमा सार्वजनिक गरेको थियो ।

यो इलेक्ट्रिक एसयूभीको अगाडिको बम्परलाई आकर्षक तरिकाले डिजाइन गरिएको छ । यसमा १८ इन्चको आल्मुनियम ह्विल समावेश गरिएको छ । एसयूभीको रियरमा सिग्नेचर एलईडी टेललाइट समावेश गरिएको छ । जिप इलेक्ट्रिक एसयूभी एभेन्जरमा २०० एमएमको ग्राउण्ड क्लियरेन्स दिइएको छ ।

एभेन्जरमा १०.२५ इन्चको डिजिटल इन्स्ट्रयुमेन्ट प्यानल र एन्ड्रोइड अटो तथा एप्पल कारप्ले कनेक्टिभिटी सिस्टमको साथमा सेम साइजको डिजिटल टचस्क्रिन इन्फोटेनमेन्ट सिस्टम रहेको छ । एसयूभीमा पावर एड्जस्टमेन्टको साथमा लेदर ट्रिम भएको सिट र मसाज फंक्शन, मल्टी कलर एम्बियन्ट लाइटिङ सिस्टम र प्यानोरामिक सनरुफ दिइएको छ ।

जिप एभेन्जर इलेक्ट्रिकमा ५४ किलोवाट आवरको लिथियम–आयोन ब्याट्री जडान गरिएको छ । जसले १५६ एचपीको पावर र २६० एनएमको टर्क जेनेरेट गर्छ । जिपको एभेन्जर इलेक्ट्रिक एसयूभीले ४०० किलोमिटरको रेन्ज प्रदान गर्ने दाबी गरिएको छ । साथै सिटी मोडमा ५०० किलोमिटरभन्दा बढीको रेन्ज दिन सक्ने दाबी पनि गरिएको छ । यसमा ६ वटा ड्राइभिङ मोड दिइएको छ ।

जिप एभेन्जर लगभग २४ मिनेटमा ८० प्रतिशतसम्म चार्ज गर्न सकिन्छ । पब्लिक चार्जिङ प्वाइन्टबाट यो एसयूभी ५ घन्टामा फुल चार्ज गर्न सकिन्छ । जीप व्राण्डलाई नेपालमा एमएडव्लू ग्रुप अन्तर्गतको लाइफ अटोमोवाइलले अयात गरी कारोवार गर्दै आइरहेको छ ।