फोर्स ट्राभलर इलेक्ट्रिक मिनीबसको परीक्षण सुरु, नेपाल पनि आउने

फोर्स मोटर्सले आफ्नो लोकप्रिय मिनीबस, ट्राभलरको ईभी भर्सन परीक्षण गर्न सुरु गरेको छ । फोर्स ई–ट्राभलर स्मार्ट सिटीबस भारत मोबिलिटी ग्लोबल एक्स्पो २०२४ मा प्रदर्शन गरिएको थियो ।

ई–ट्राभलर लो फ्लोर हाइट भएको मोनोकक डिजाइनमा आधारित छ । बाहिरी भाग स्ट्यान्डर्ड ट्राभलर जस्तै देखिने यसको दुबै साइडमा सिंगल प्यानल ग्लास र स्प्लिट टेलगेट छ ।

ई–ट्राभलरमा चालक सहित १४ जनासम्मले यात्रा गर्न सक्ने जनाइएको छ । यसमा एयर कन्डिसन र प्यासेन्जर इन्फरमेसन डिस्प्ले समेत राखिएको छ । कम्पनीले यसमा कुन साइजको ब्याट्री प्रयोग हुन्छ भनेर नखुलाए पनि मोटर भने १५१ बिएचपी पावरको हुने बताइएको छ ।

ट्राभलर इलेक्ट्रिक मिनिवस भारतिय बजारमा बिक्री सुरु भएलगत्तै नेपाली बजारमा समेत उपलब्ध हुनेछ । नेपाली बजारमा फोर्सका गाडीहरु आयाम इन्टरकन्टिनेन्टल प्रालिले बिक्री गर्दै आएको छ ।