नाडाको आकर्षण बन्दै छ रोयल इन्फिल्ड हन्टर

काठमाडौं – आगामी भाद्र २६ देखि ३१ गते सम्म काठमाडौंको भृकुटी मण्डपमा सम्पन्न हुने नाडा अटो शोमा विभिन्न मोडलका नयाँ सवारी साधन प्रदर्शन गरिने छन् । ती मध्ये रोयल इन्फिल्डको नयाँ मोटरसाइकल हन्टर पनि आकर्षण बन्न सक्ने देखिएको छ ।

रोयल इन्फिल्ड हन्टर ३५० नेपाली बजारका लागि सार्वजनिक गर्ने कम्पनीले तयारी गरिरहेको छ । यो भन्दा पहिले नै औपचारिक रुपमा सार्वजनिक हुने वा नहुने अझै आधिकारिक जानकारी सार्वजनिक नभए पनि नाडामा भने यो मोटरसाइकल प्रदर्शन गरिने पक्का नै छ ।

नयाँ रोयल इन्फिल्ड हन्टर ३५० एक रोडस्टर हो, जसको लुक निकै आकर्षक छ । सो बाइकमा गोलाकार हेडल्याम्प, फोर्क कभर गार्टर, मेट्रोका लागि दस–स्पोक अलोय ह्विल र रेट्रो भेरिएन्टका लागि वायर्ड–स्पोक ह्विल, सिंगल पिस सिट, एलईडी टेलल्याम्प र स्टबी एक्जस्ट उपलब्ध छ ।

रोयल इन्फिल्ड हन्टर ३५० मा ३४९ सीसी सिंगल सिलिन्डर एयर–आयल कुल्ड फ्युल इन्जेक्टेड इन्जिन जडान गरिएको ।छ, जसले ६१०० आरपीएममा २०.२ बीएचपी पावर र ४००० आरपीएममा २७ एनएमको टर्क जेनेरेट गर्छ । यो इन्जिन ५ स्पिड म्यानुअल गियरबक्ससँग जोडिएको छ र यसले ३६.२ किमी प्रति लिटरको माइलेज दिन्छ ।

बाइकको फ्रन्टमा डिस्क ब्रेक र रियरमा सिंगल वा ड्युअल च्यानल एबीएस भएको डिस्क÷ड्रम समावेश छ । यसमा १७ इन्चको पाङ्ग्रा जडान गरिएको छ । हन्टर ३५० मा डिजिटल–एनालग इन्स्ट्रयुमेन्ट क्लस्टर र अप्सनल ट्रिपर नेभिगेसन पोड छ ।

हाल नेपाली बजारमा रोयल इन्फिल्डका क्लासिक र स्क्राम मोटरसाइकल बिक्रीका लागि उपलब्ध छन् । नेपाली बजारमा अल्फा अटोमोटिभले रोयल इन्फिल्डका मोटरसाइकल बिक्री–वितरण गरिरहेको छ ।