मंसिर २२ देखि मोटरहेड भ्याली एक्सचेन्ज, बाइक किन्दा डर्ट हेल्मेट निःशुल्क

काठमाडौं – मोटरहेड ब्रान्डको आधिकारिक वितरण एसएलआर टेक्नो एन्ड ट्रेड प्रालिले आगामी मंसिर २२, २३ र २४ गते उपत्यका भित्रका आफ्ना सम्पूर्ण शोरुमहरुमा लागू हुने गरि तीन दिने मोटरहेड एक्सचेन्ज अफर सञ्चालन गर्ने भएको छ ।

ग्राहकहरुको अत्याधिक मागलाई ध्यानमा राखी कम्पनीले यस अफरलाई आफ्नो सबै शोरुमहरुमा सञ्चालन गर्न गइरहेको जानकारी दिएको छ । मोटरहेडले डर्ट, क्रसओभर र स्क्र्याम्बलर सेगमेन्टको नेपाली बजारमा आफ्नो छुट्टै उपस्थिति जनाउँदै आएको छ ।

कम्पनीले यस अफरलाई अझ आकर्षक बनाउन विभिन्न अफरहरु ल्याएको छ । जसमा नगद खरिदमा १० हजार छुट, फाइनान्समा ७ हजार छुट र बाइक सट्टापट्टा गरि लिँदा पुराना बाइकमा बजार मूल्यांकन भन्दा थप १५ हजार रुपैयाँ ग्राहकले पाउने छन् ।

कम्पनीले उचित मूल्यांकन र सरल खरिदको वातावरण मिलाउन अन द स्पट भ्यालुएसन व्यवस्थापन गर्ने भएको छ । साथै हरेक खरिदमा आकर्षक फ्रि डर्ट हेल्मेट समेत ग्राहकले पाउने जानकारी कम्पनीले दिएको छ ।

मोटरहेडको सल्लाघारी, मित्रपार्क, टेकु , धोविघाट र बालाजु (भ्याली कोल्ड स्टोरको अगाडि) मा रहेको आफ्नो शोरुमहरुमा यो अफर संचालन हुनेछ ।

मोटरहेडले हालसालै परिमार्जित टेक्कन आर २५० मोडल बजारमा ल्याएको छ ।