२ लाख देखि २ लाख २५ हजार हाराहारीका चल्तीका मोटरसाइकल : माइलेज पनि धेरै

नेपाली बजारमा पछिल्लो समयमा सवारी साधनको मूल्य समेत लगातार रुपमा बढिरहेको छ । पहिले करिब १ लाख देखि १ लाख ५० हजार रुपैयाँ सम्म पाइने सबैभन्दा कम मूल्यका मोटरसाइकल अब सो मूल्यमा उपलब्ध हुन सक्ने अवस्था छैन । अहिले सबैभन्दा कम मूल्यका मोटरसाइकलको मूल्य नै २ लाख देखि २ लाख २५ हजारको हाराहारी छ ।

नेपाली बजारमा उपलब्ध विभिन्न ब्रान्ड मध्ये बजाज, होन्डा, यामाहा, हिरो, सुजुकी आदि ब्रान्डका सबैभन्दा कम मूल्यका मोटरसाइकल यही रेन्जमा उपलब्ध छन् ।

बजाजको सबैभन्दा कम मूल्यको मोटरसाइकल प्लाटिना १०० ईएस हो । यसको मूल्य १ लाख ९२ हजार ९ सय रुपैयाँ छ । त्यसैगरी डिस्कभर १२५ ड्रमको मूल्य २ लाख ९ सय, डिस्कभर १२५ डिस्कको मूल्य २ लाख २१ हजार ९ सय र डिस्कभर १२५ एसटीको मूल्य २ लाख २७ हजार ९ सय रुपैयाँ छ ।

होन्डाको यो सेगमेन्टमा भएको एक मात्र मोटरसाइकल सीडी ड्रिम डिएलक्स हो । यसको मूल्य २ लाख ८ हजार ९ सय रुपैयाँ छ ।

यामाहाको पनि यो रेन्जमा मोटरसाइकल छैन । यामाहाको सबैभन्दा कम मूल्यको मोटरसाइकल सलुटो हो । यसको मूल्य २ लाख ३४ हजार ९ सय रुपैयाँ छ ।

यो रेन्जमा सबैभन्दा धेरै मोटरसाइकल हिरोसँग उपलब्ध छ । हिरोको सबैभन्दा कम मूल्यको मोटरसाइकल हिरो एचएफ डिलक्स हो । यसको मूल्य १ लाख ७८ हजार रुपैयाँ छ । त्यसैगरी स्प्लेन्डर प्लसको मूल्य १ लाख ८९ हजार र हिरो स्प्लेन्डर स्मार्ट ११० को मूल्य १ लाख ८३ हजार ५ सय रुपैयाँ छ ।

हिरो सुपर स्प्लेन्डर ट्युबलेसको मूल्य २ लाख ७ हजार ५ सय र ग्ल्यामर डीआरएस एसभीको मूल्य २ लाख ४ हजार ५ सय रुपैयाँ छ । त्यसैगरी ग्ल्यामर डीएसएस एसभीको मूल्य २ लाख १८ हजार ५ सय र डीएसएस टेक्नोको मूल्य २ लाख २६ हजार ५ सय रुपैयाँ छ ।

टीभीएसको सबैभन्दा कम मूल्यको मोटरसाइकल रेडिअन हो । यसको मूल्य १ लाख ९३ हजार ९ सय छ । त्यसपछि टीभीएस स्ट्राइकर रिफ्रेसको मूल्य २ लाख २१ हजार ९ सय रुपैयाँ छ ।

त्यसैगरी सुजुकीको सबैभन्दा कम मूल्यको मोटरसाइकल हायाते ईपी हो । यसको मूल्य १ लाख ९९ हजार ९ सय रुपैयाँ छ ।

विशेष गरी पहिलो पटक मोटरसाइकल प्रयोग गर्ने राइडरहरु र दैनिक जीवनका लागि यी मोटरसाइकल उपयोगी हुन्छन् । हाल पेट्रोलियम पदार्थको मूल्य बढिरहेको समयमा धेरै माइलेज दिने भएकाले पनि यी मोटरसाइकल उपयोगी भएको पाइन्छ ।