सबैभन्दा महंगो बाइक बन्यो ११५ वर्ष पुरानो हार्ले डेभिडसन बाइक

हालै हार्ले डेभिडसनको दुर्लभ बाइक लिलामी भएको छ, जुन किन्न ग्राहकहरुबीच प्रतिस्पर्धा भएको थियो ।

यो १९०८ को हार्ले–डेभिडसन थियो जुन अब लिलामीमा बेचेको सबैभन्दा महँगो बाइक भएको छ । १९०८ को हार्ले डेभिडसन बाइक ९ लाख ३५ हजार डलरमा लिलामी भएको थियो ।

सो बाइक ११५ वर्ष पुरानो भिन्टेज बाइक हो । तर यो बाइक हेर्दा साइकल जस्तै देखिन्छ । यो बाइक १९०८ मा बनेको ४५० हार्ले डेभिडसन बाइक मध्ये एक हो । अहिले विश्वमा यसको १० देखि १२ वटा मात्रै बाइक बाँकी छ । यसको इन्धन ट्याङकीलाई निकेल स्ट्रयापले यसको फ्रेममा फिक्स गरिएको हुनाले यसलाई स्ट्रयाप ट्याङकी पनि भनिन्छ ।

लिलामी गर्नुभन्दा पहिला सो बाइकको इन्जिन बेल्ट पुली, मफलर स्लिभ, सिट कभर, फ्युल ट्यांकको साथै मेटालिक पुर्जाहरुको प्रामाणिक घोषणा गरिएको थियो । यही कारण सो बाइक यति महँगोमा लिलामी भएको थियो ।