१४ करोड २० लाख डलरमा बिक्री भयो मर्सिडिज वेन्जको यो भिन्टेज कार

मर्सिडिज वेन्जको ६७ वर्ष पुरानो मोडलको एक कार हालसम्मकै सर्बाधिक बढी मूल्यमा बिक्री भएको छ । १९५५ मोडलको ३०० एसएलआर युहनोट कुपे केही दिन पहिले जर्मनीमा आयोजना गरिएको एक गोप्य अक्सन मार्फत १४ करोड २० लाख डलरमा बिक्री भएको हो । यसअघि १९६२ मोडलको फरारी २५० जिटिओ सन् २०१८ मा सर्बाधिक बढी मूल्य ४ करोड ८४ लाख डलरमा बिक्री भएको थियो । यो कार खरिद गर्ने मालिकको नाम हालसम्म वाहिर ल्याइएको छैन ।

यती धेरै मूल्यमा बिक्री भएको यो कार आफैमा एक विशेष रहेको हुँदा जति नै मूल्यमा बिक्री भएपनि उक्त मूल्यसंग यसको गरिमालाई तुलना गर्न नमिल्ने बताइएको छ । मर्सिडिजको इतिहाससंग जोडिएको यो कारलाई कम्पनीले कहिल्यै पनि बिक्री नगर्ने अनुमान समेत लगाइएको थियो ।

यो भिन्टेज कारको महत्व मर्सिडिज वेन्जको उत्पतिसंग जोडिएको छ । १९५४ र १९५५ मा फर्मूला वान च्याम्पियन सिपको विजेता अर्जेन्टिनी स्टार जोन म्यानुलअ फ्यान्गियोले प्रयोग गरेको ८ सिलिन्डर मर्सिडिज वेन्ज डब्लु १९६ मा आधारित यो कार जम्मा ९ युनिटमात्र उत्पादन गरिएको थियो । ‘मोना लिसा अफ कार’ को उपमा समेत पाएको यो कारले अन्य थुप्रै रेसिङ प्रतियोगितामा समेत नयाँ रेकर्ड बनाएको थियो ।