१० हजार किमीसम्मको लाइफ भएको अनौठो पारदर्शी टायर

अटोमोबाइल इन्डस्ट्रिजको साथै टायर इन्डस्ट्रिजमा पनि क्रान्तिकारी परिवर्तन भइरहेको छ । टायरको माध्यमले कारको माइलेज बढाउने पनि निरन्तर प्रयास भइरहेको छ । टायर निर्माता कम्पनी मिशलिन र अमेरिकी कार निर्माता जनरल मोटर्सले हावा बिनाको पंक्चर प्रुफ टायर निर्माण गरेका छन् । सो टायर अर्काे वर्षसम्ममा लन्च हुने अनुमान गरिएको छ ।

सो एयरलेस टायर रेजिन एम्बेडेड फाइबर ग्लास र आल्मुनियम ह्विलबाट बनाइएको हो । सो टायर सामान्य टायर भन्दा सस्तो हुनुका साथै लामो समयसम्म टिकाउ पनि छ । सो टायरको नाम अप्टिस राखिएको छ । अप्टिस टायर हेभी लोडर्स मेसिनमा पनि परिक्षण भइसकेको छ ।

कम्पनीले अर्काे वर्ष २९ इन्च र २७.५ इन्चको एमटीबी साइजको टायर पनि लन्च गर्ने भएको छ । सो टायरको लाइफ १० हजार किमीसम्मको हुनेछ । यसमा हावा भर्न आवश्यक पनि छैन ।

सो टायरको अर्को महत्वपूर्ण विशेषता के छ भने यो टायरबाट अर्कोतिर पनि देख्न सकिन्छ । यसमा यस्तो टेक्नोलोजीको प्रयोग गरिएको छ जुन हेभी लोडर्स मेसिनमा पनि प्रयोग गर्न सकिन्छ ।