एमजीले ल्याउने भयो क्रेटा र सेल्टोससँग प्रतिस्पर्धा गर्न नयाँ एसयूभी

एमजी मोटर्सले भारतीय बजारमा नयाँ एसयूभी लन्च गर्ने घोषणा गरेको छ । कम्पनीले जेडएस एसयूभी पेट्रोल भर्सनमा परीक्षण गरिरहेको छ । यो भन्दा पहिला यसको इलेक्ट्रिक भर्सन लन्च गरिसकेको छ । पेट्रोल भर्सन यही वर्षको मध्यमा लन्च गर्ने सम्भावना रहेको छ । सो नयाँ मोडलको नाम एमजी एस्टोर नाम दिने अनुमान गरिएको छ ।

सो कार यो सेगमेन्टमा एड्भान्स ड्राइभर असिस्टेन्स सिस्टमको साथमा आउने पहिलो मोडल हुनेछ । कम्पनीले हाल सो कारको इमर्जेन्सी ब्रेकको परीक्षण गरिरहेको छ । कारमा एडेप्टिभ क्रुज कन्ट्रोल पनि समावेश गरिने छ ।

कम्पनीले गत फेब्रुअरीमा जेडएस इलेक्ट्रिक लन्च गरेको थियो । मेकानिकल्ली यसमा केही परिवर्तन गरिएको छैन । सो एसयूभीमा पावर दिनको लागि ४४.५ केडब्ल्युएच हाइटेक आईपी६ सर्टिफाइड ब्याट्री जडान गरिएको छ । सो मोटरले १४१ बीएचपीको अधिकतम पावर र ३५३ एनएमको टर्क जेनेरेट गर्छ । सो इलेक्ट्रिक कारले फुल चार्जमा ४१९ किलोमिटरको रेन्ज दिन्छ ।

कम्पनीका अनुसार सो मोटरलाई स्ट्यान्डर्ड एसी चार्जरको मदतले ६ घन्टामा फुल चार्ज गर्न सकिन्छ । जबकि ५०केडब्ल्यु डीसी फास्ट चार्जरको मदतले सो एसयूभी ५० मिनेटमा ८० प्रतिशतसम्म चार्ज गर्न सकिन्छ । भारतमा सो कारको हुन्डाई क्रेटा र किया सेल्टोससँग प्रतिस्पर्धा हुनेछ ।