नयाँ स्पोर्टी लुक सहित एमजी वान एसयूभी सार्वजनिक, हुन्डाई क्रेटासँग प्रतिस्पर्धा गर्ने

लामो समयदेखि टिजर तस्बिर जारी गरे पश्चात अन्तमा एमजी मोटरको लेटेस्ट एसयूभी एमजी वान पुर्ण रुपमा सार्वजनिक गरिएको छ । यो आधिकारिक रुपमा ब्रान्डको नयाँ आर्किटेक्चर र डिजाइनको सुरुवातको प्रतीक मानिएको छ ।

कम्पनीले सो एसयूभीमा अत्याधुनिक डिजिटल टेक्नोलोजी समावेश गरेको दावी गरिएको छ । एमजी मोटरको यो नयाँ एसयूभी फेसनेबल र स्पोर्टी गरी दुई भर्सन र दुई रङ बबल ओरेन्ज र वाइल्डरनेस ग्रीनमा उपलब्ध रहेको छ ।

एमजी वानमा टेपरिङ रुफलाइन रहेको छ र यो पछाडि झुकेको छ । यसमा ड्युअल टोन कलर स्किम समावेश गरिएको छ जसको एक्सटेरियर प्रोफाइललाई हाइलाइट गर्छ । कारको फ्रन्टमा नयाँ डिजाइनको थ्रीडी ग्रिल समावेश गरिएको छ । एमजी वान एसयूभीमा १८ इन्चको अलोय ह्विल समावेश गरिएको छ ।

सो एसयूभी एमजीको नयाँ सिग्मा आर्किटेक्चरमा आधारित रहेको छ । यो मोड्यलर डिजाइन भएको प्लेटफर्म हो । एमजी वानमा एक्टिभ डिजिटल इकोसिस्टमको साथमा पावरफुल चिप टेक्नोलोजी उपलब्ध रहेको छ । सिग्मा प्लेटफर्मको प्रयोग इलेक्ट्रिक पावरट्रेनको लागि पनि गर्न सकिन्छ । सो कार कनेक्टेड कार हुनेछ ।

एमजी वानको क्याबिन ठूलो हुनेछ । सिग्मा आर्किटेक्चरले सुरुवाती चरणबाट इन्टेरियर स्पेसको साथै एक्सटेरियर बडी फ्लोलाई सन्तुलन गर्न मदत गर्छ । जसले इन्टेरियर स्पेस बढाउन मदत गर्छ ।

यद्यपि कम्पनीले अहिलेसम्म एसयूभीको इन्जिनको बारेमा जानकारी प्रस्ट पारेको छैन । रिपोर्टका अनुसार एमजी वानमा १.५ लिटर पेट्रोल इन्जिन समावेश गर्ने सम्भावना रहेको छ । सो इन्जिनले १७० देखि १८० बीएचपीको पावर र २५० देखि २६० एनएमको टर्क जेनेरेट गर्छ । सो इन्जिनको साथमा ६ स्पिड म्यानुअल र ड्युअल क्लच अटोमेटिक गियरबक्स समावेश गरिने छ ।

एमजी वानमा एमजीको अन्य एसयूभीमा जस्तै कैयौ फिचर समावेश गरिने छ । सो कारको बिक्री यही वर्षको अन्तमा अन्तर्राष्ट्रिय रुपमा सुरु हुनेछ । रिपोर्टका अनुसार सो एसयूभी २०२२ मा भारतमा लन्च गरिनेछ । लन्चिङ पछि सो एसयूभीको किया सेल्टोस, हुन्डाई क्रेटा र सेगमेन्टको अन्य कम्प्याक्ट एसयूभीसँग प्रतिस्पर्धा हुनेछ ।