नेपालमा उपलब्ध हुने एमजी साइबरस्टरको मूल्य १ करोड ६८ लाख, बढ्यो कोमेट ईभीको मूल्य

काठमाडौं – नेपालका लागि एमजी अर्थात मोरिस ग्यारेजको आधिकारिक वितरक पारामाउन्ट मोटर्सले एमजीको नयाँ अल इलेक्ट्रिक कार साइबरस्टर भित्र्याएको छ । आगामी भाद्र ११ देखि काठमाडौंको भृकुटीमण्डपमा शुरु हुने नाडा अटो शो २०२४ मा सो गाडी प्रदर्शन गरिने छ ।

एमजी साइबरस्टरको मूल्य १ करोड ६७ लाख ९९ हजार रुपैयाँ तोकिएको छ । साइबरस्टरमा १५० किलोवाटको मोटर र ७७ किलोवाट आवरको ब्याट्री रहेको छ ।

साइबरस्टर एक सानो अल इलेक्ट्रिक कार हो । सिजर डोरका साथ उपलब्ध हुने एमजी रोडस्टर एग्रेसिभ र सार्प देखिन्छ ।

पारामाउन्ट मोटर्सले नेपाली बजारमा पहिले देखि नै उपलब्ध एमजी कोमेटको मूल्यमा समेत वृद्धि गरेको छ । एमजी कोमेटका दुई भेरिएन्ट पेस र प्लेको मूल्यमा ५० हजार रुपैयाँको दरले वृद्धि गरिएको छ ।

एमजी कोमेट पेसको मूल्य १८ लाख ४९ हजार र प्लेको मूल्य २१ लाख ४९ हजार रुपैयाँ तोकिएको छ ।