१ हजार किलोमिटर वढी रेन्ज दिने मर्सिडिजको भिजन इक्यूएक्सएक्स

मर्सिडिज वेन्जले भविष्यमा आधारित इभी कन्सेप्ट भिजन इक्यूएक्सएक्सलाई भारतमा प्रदर्शन गरेको छ । मर्सिडिज रोड सेफ्टि क्यापियनका दौरान कम्पनीले यो अल न्यू इलेक्ट्रिक कन्सेप्टलाई सार्वजनिक गरेको हो । यसै वर्ष लास भेगासमा सार्वजनिक भएको यो कारलाई विश्वकै सर्बाधिक एरोडाइनामिक इभीका रुपमा लिइँदै आएको छ ।

मर्सिडिजको इभी आर्किटेक्चर प्लेटफर्मममा तयार पारिएको यो कन्सेप्ट कारमा १०० किलोवाट आवरको हाई डेन्सिटी व्याट्री प्याक जडान गरिएको छ । जसलाई एकपटक फूल चार्ज गर्दा १ हजार किलोमिटर माथी रेन्ज दिने कम्पनीको दावी छ ।

अतिरक्ति रेन्जका लागी यसको रुफमा सोलार सेल समेत दिइएको छ । सोलार सेलको साहयताले कारले थप २५ किलोमिटर रेन्ज दिनेछ । कारमा रेयर माउन्टेड इलेक्ट्रिक मोटर जडान गरिएको छ जसले २ सय ४ पीएस पावर जेनेरेट गर्नेछ ।

यो अत्याधुनिक र विलासी कारमा ४७.५ इन्चको सिंगल ८के डिस्प्ले दिइएको छ । सोही प्यानलमै इन्स्ट्रयुमेन्ट क्लस्टर र इन्फोटेन्मेन्ट सिस्टम समेत सामले गरिएको छ ।