टीभीएस बाइकमा हुने अपाचे सिरिजको अर्थ के हो ? अनि आरटीएफआई र आरटीआरको ?

नेपाली बजारमा समेत धेरै बिक्री हुने मोटरसाइकल मध्ये टीभीएसको ‘अपाचे’ मोडल पर्छ । उत्कृष्ट लुक्ससँगै विभिन्न एड्भान्स फिचरले सुसज्जित हुने भएकाले यसलाई धेरै ले रुचाएको पाइन्छ । यही कुरालाई मनन गरी टीभीएसले प्रत्येक वर्ष यसलाई अपग्रेड गर्दै आएको छ । यति मात्र होइन, रेसिङ गर्नेहरूले पनि यसलाई धेरै मन पराउँछन् ।

स्पोर्टी लुक दिनका लागि कम्पनीले मोटरसाइकलको ग्राफिक्समा समेत परिवर्तन गरिरहेको हुन्छ । टीभीएसले उपलब्ध गराएको अपाचे मोडलको मोटरसाइकलमा अपाचेका साथ आरटीआर तथा आरटीएफआई समेत उल्लेख गरेको हुन्छ । यद्यपि अपाचे र आरटीआर तथा आरटीएफआईको अर्थ धेरैलाई थाहा नहुन सक्छ । यी सबैको अर्थ थाहा पाउनु राम्रो हुन्छ ।

अपाचे
भारतीय सेनामा समावेश गरिएको हेलिकप्टरको नाम अपाचे हो । यसबाहेक, विगत धेरै वर्षदेखि अमेरिकामा एक भारतीय जनजाति बसोबास गर्छ, जसलाई अपाचे वा अपाचियन समुदाय भनिन्छ । टीभीएसले यी दुई मध्ये कुनै एकलाई आधार मानेर बाइकको नाम अपाचे राखेको हुनसक्छ । यति मात्र होइन, कुनै पनि बाइकलाई नाम दिनुअघि एउटा टोलीले त्यसबारे सोच्ने गर्छ । यसपछि कम्पनीले हरेक वर्ष उक्त सिरिजमा सुधार गर्ने प्रयास गर्छ ।

आरटीएफआई
अपाचे बाइकमा आरटीएफआई भनेको रेस ट्युन्ड फ्युल इन्जेक्सन हो । यसको मद्दतले इन्जिनलाई थप शक्ति दिन र उच्च गतिमा चलाउन इन्धन इन्जेक्ट हुन्छ । फ्युल इन्जेक्सन भएका बाइक अन्य कम्पनीहरुरुले पनि उत्पादन गरेका छन् । तर टीभीएसले विशेष गरी रेसिङलाई फोकस गरी त्यही अनुसारको इन्जिन उपलब्ध गराएकाले यसमा ‘रेस ट्युन्ड’ शब्द थपेर आरटीएफआई भन्ने गरेको छ ।

टीभीएसको अपाचे आरटीआर १६० बाइकमा सिंगल सिलिन्डर एयर कुल्ड इन्जिन रहेको छ । यसले ८४०० आरपीएममा १५ बीएचपी पावर र ७००० आरपीएममा १३.९ एनएम टर्क जेनेरेट गर्छ । यति मात्र होइन, यसमा ५ वटा गियर बक्स जडान गरिएको छ ।

आरटीआर
आरटीआरको पुरा रुप रेसिङ थ्रोटल रेस्पोन्स हो । टीभीएसका रेसिङ बाइकहरुमा यो सुविधा उपलब्ध छ । सामान्य रुपमा भन्दा रेसिङ दृष्टिकोणलाई ध्यानमा राखी यी बाइक डिजाइन गरिएको हुन्छ ।

नेपाली बजारमा अपाचे सिरिजका १६०, १८० र २०० सीसी गरी विभिन्न मोडलका बाइक उपलब्ध छन् ।