पारामाउन्ट मोटर्सले नेपाल ल्यायो मेक्सस व्राण्डको नयाँ पीकअप

एमजी र माज्दा गाडी आयत गरी कारोबार गर्दै आइरहेको पारामाउन्ट मोटर्सले मेक्सस ब्राण्डलाई समेत नेपाल भित्राएको छ । चीनको एसएआईसी ग्रुप माहतको यो ब्रान्डले कमर्शियल र प्यासेन्जर गाडी उत्पादन गर्दै आइरहेमा तत्कालका लागी नयाँ पिकअप नेपाल आएको हो । एमजी पनि सोही ग्रुप मातहत उत्पादन हुँदै आइरहेको ब्राण्ड भएका कारण पारामाउन्ट मेक्ससका लागी समेत आधिकारिक वितरकका रुपमा नियुक्त भएको अनुमान गरिएको छ ।

कम्पनीले नेपाल भित्राएको नयाँ पिकअप टी ६० हो । जसमा २ हजार ८ सय सिसी क्षमताको डिजेल इन्जिन जडान गरिएको छ । उक्त इन्जिनले अधिकतम १५० हर्स पावर र ३५० एनएम टर्क प्रदान गर्छ । यसमा ६ स्पीड टर्क कन्भर्टर अटोमेटीक गियरबक्स दिइएको छ ।

टी ६० मा चालकले आफू अनुकुल तलमाथी र दायाँवायाँ गर्न मिल्ने एड्जस्टेवल ड्राइभर सिट दिइएको छ । यसैगरी अगाडि र पछाडि एसी, एयर प्यूरिफायर, एड्जस्टेवल स्टेरिङ ह्वील, फेब्रिक सिट, सेन्ट्रल लकिङ पावर विन्डो, ४ वटा स्पीकर, रिमोर्ट कि जस्ता फिचर उपलब्ध छ ।

यो नयाँ पिकअपको दुबै चक्कामा डिस्क ब्रेक इबीडी सहितको एबीएस, इएसपी, इबीए, डुअल एयरब्याग, टायर प्रेसर मोनिटरिङ सिस्टम, पार्किङ सेन्सर, रियर क्यामेरा जस्ता सेफ्टि फिचर दिइएको छ । ३ हजार १५५ एमएमको ह्वीलवेस र २१५ एमएमको ग्राउन्ड क्लियरेन्स रहेको यो पिकअप नेपाली भुगोल सुहाउँदो देखिन्छ ।

नेपाली सडकमा परिक्षण पश्चात यसको औपचारिक लन्च गरिने कम्पनीले जनाएको छ । तत्कालका लागी यसको मूल्य सार्वजनिक नगरिएपनि नेपालमा यो नयाँ पिकअपलाई ७५ लाख हाराहारी पर्ने आँकलन गरिएको छ ।