१३ लिटरको इन्धन ट्यांकी भएको म्याक्सी स्कुटर नेपालमा

काठमाडौं – नेपाली बजारमा विभिन्न ब्रान्डका सवारी साधन भित्रिरहेको समयमा पछिल्लो समयमा इटालियन ब्रान्ड ‘टारो’ को म्याक्सी स्कुटर समेत भित्रिएको छ ।

एसजी ग्रुप अन्तर्गतको ओम मोटोकर्पले नक्साल नारायणचौरमा सोरुम स्थापना गरी बाइकका साथै यो स्कुटरको समेत बिक्री प्रारम्भ गरेको छ ।

टारोको एलेक्स वान स्कुटर एक प्रकारको म्याक्सी स्कुटर हो । यो सामान्य स्कुटरको तुलनामा हेर्दै हेभी र आकर्षक छ । यसमा १३ लिटरको इन्धन ट्यांकी छ। त्यसैगरी सामान राख्नका लागि अन्डर सिट स्टोरेज निकै नै ठूलो छ। यसको स्टाइल, लुक, ग्राफिक्स र प्रविधि निकै नै उत्कृष्ट छ। यो टुरिङका लागि निकै नै उपयोगी म्याक्सी स्कुटर हो।

यो स्कुटरको मूल्य ३ लाख ४५ हजार रुपैयाँ तोकिएको छ ।