चर्चित कलकार मनोज गजुरेलले खरिद गरे यामाहा रे–जेडआर १२५ स्कुटर

चर्चित हास्य कलाकार मनोज गजुरेलले यामाहा व्रान्डको रे–जेडआर १२५ एफआई स्कुटर खरिद गरेका छन् । उनले यामाहाको रातोपुलस्थित विक्रेता गोर्खा मनकामना अटो इन्टरप्राइजेजवाट केहि दिन अघि यो स्कुटर खरिद गरेका हुन् । गजुरेलले खरिद गरेको यो स्कुटर उच्च माइलेज र आकर्षक लुक्स तथा अत्याधुनिक विशेषताका कारण अहिले नेपाली बजारमा लोकप्रिय वनिरहेको छ ।

यो स्कुटरलाई यामाहाले ‘आइएम ५८ किलोमिटर प्रतिलिटर’ स्लोगन राखेर प्रमोशन गरिरहेको छ । यसमा जडान गरिएको एफआई इन्जिनका कारण यति धेरै माइलेज दिन सफल भएको कम्पनीको भनाइ छ । यही सेग्मेन्टका अन्य स्कुटरको तुलनामा सर्वाधिक माइलेज दिने दावी गरिएको यो स्कुटर प्रयोग गर्दा ग्राहकले तीन वर्षमा इन्धनबापत हुने खर्चबाट १ लाख रुपैयाँसम्म वचत गर्न सक्ने बताइएको छ ।

यो स्कुटरमा १२५ सीसी क्षमताको एफआई व्लुकोर इन्जिन जडान गरिएको छ । जसको अधिकतम पावर ८.२ पीएस र टर्क ९.७ एनएम रहेको छ । यो स्कुटरमा ५.२ लिटर क्षमताको इन्धन ट्यांकी छ ।

यो स्कुटरमा ‘एक्स–कनेक्ट’ टेक्नोलोजी दिइएको छ । जसले यो स्कुटरलाई प्रविधिमैत्री त वनाएको छ नै साथमा प्रयोग गर्न सजिलो र सहज समेत बनाएको छ । आकर्षक लुक्स तथा डिजाइनमा उपलब्ध यो स्कुटर २ भेरिएन्टमा उपलब्ध छ । जसको मूल्य रेगुलर भेरिएन्टको २ लाख ६१ हजार ९ सय र स्ट्रिट ¥यालीको २ लाख ८९ हजार ९ सय रुपैयाँ निर्धारण गरिएको छ ।