महिन्द्रा बीई६ र एक्सईभी ९ई ईभी नाइमामा, यस्तो छ मूल्य

काठमाडौं – राजधानीको भृकुटीमण्डमा चलिरहेको नाइमा नेपाल मोबिलिटी एक्सपो २०२५ मा महिन्द्राका नयाँ ईभी बीई६ र एक्सईभी ९ई प्रदर्शन गरिएका छन् । महिन्द्राको नेपालका लागि आधिकारिक वितरक अग्नि इन्कर्पोरेटेड प्रालिले नेपाली बजारमा पहिलो पटक यी गाडी सार्वजनिक गरेको हो ।

बीई६ को मूल्य ५७ लाख र एक्सईभी ९ईको मूल्य ६९ लाख रुपैयाँ तोकिएको छ । यो भन्दा पहिले भन्सार प्रयोजनका लागि तोकिएको मूल्य भन्दा यो मूल्य निकै नै कम हो ।

महिन्द्राका यी दुई ईभीले हाल निकै नै चर्चा पाएका छन् । भारतीय बजारमा निकै नै रुचाइएका यी मोडल नेपाली बजारमा पनि धेरैको रोजाइमा पर्ने अनुमान गरिएको छ । दुवै गाडीमा ९९ किलोवाटको मोटर छ भने एक्सईभी ९ईको एउटा भेरिएन्टमा १९९ किलोवाटको मोटर छ ।

कम्पनीले सो दुबै एसयूभीमा ५९ किलोवाट र ७९ किलोवाटसम्मको ब्याट्री प्याक उपलब्ध गराएको छ । यसमा एलएफपी केमिस्ट्री भएको ब्याट्रीहरू छन् जसलाई अल्ट्रा फास्ट चार्जिङले सपोर्ट गर्छ । यसलाई १७५ किलोवाटको चार्जरको मद्दतले २० मिनेटमा २० देखि ८० प्रतिशतसम्म चार्ज गर्न सकिन्छ।

एक्सईभी ९ई र बीई ६ को ५९ किलोवाट ब्याट्री प्याकले २३१ एचपीको पावर उत्पादन गर्छ र ७९ किलोवाट ब्याट्री प्याकले २८६ एचपीको पावर र ३८० एमएमको टर्क जेनेरेट गर्छ । यी दुवै एसयूभीहरू ६.७ सेकेन्डमा ०-१०० किलोमिटर प्रतिघण्टाको गतिमा चलाउन सकिन्छ। बीई ६ ले सिंगल चार्जमा ६८२ किलोमिटर र एक्सईभी ९ई ले सिंगल चार्जमा ६५६ किलोमिटर रेन्ज प्रदान गर्छ । महिन्द्राका यी दुवै इलेक्ट्रिक एसयूभीमा लाइफटाइम ब्याट्री वारेन्टी दिइएको छ ।