लुयान स्कुटरको ‘देशको उर्जा देशमै खपत’ अभियान, स्कुटर किन्दा इन्डक्सन चुल्हो र कुकर सित्तैमा

लुयान इलेक्ट्रिक स्कुटरको नेपालका लागि आधिकारिक वितरक जेरो एमिसन राइड एनले ‘देशको उर्जा देशमै खपत’ अभियान संचालनमा ल्याएको छ । सो अभियान अन्तर्गत लुयान ब्रान्डको जुनसुकै इलेक्ट्रिक स्कुटर खरिद गर्दा ग्राहकले एकथान इन्डक्सन चुल्हो र कुकर सित्तैमा पाउनेछन् ।

लुयान स्कुटरको देशभर संचालनमा रहेका सोरुममा लागु हुने यो अभियानले स्वदेशमा उत्पादन हुने विद्युतको खपत बढाउन मद्धत पुग्ने विश्वास कम्पनीले लिएको छ । अभियान निश्चित अवधीका लागिमात्र लागु हुने जनाइएको छ ।

जेरो एमिसनले हाल एमएनके थ्री र एस३० मोडलका स्कुटर आयात गरी बिक्री गर्दै आएको छ । जसमध्ये कम्पनीले एमएनके थ्रीलाई हालसालै थप दुइ नयाँ भेरिएन्ट र नयाँ कलरमा नेपाली बजारमा भित्र्याएको हो । यो स्कुटर कम्पनीको वेस्ट सेलिङ मोडलमा पर्दै आएको छ ।

तीन भिन्न ब्याट्री अप्सनमा उपलबध यसको लिड एसिड भर्सनलाई १ लाख ७३ हजार ७००, ग्राफेनको १ लाख ८२ हजार ७०० र लिथियम आयोन भर्सनको २ लाख ४० हजार ३०० रुपैयाँ निर्धारण गरिएको छ । लिड एसिड ब्याट्रीको ७५ देखि ८५ किलोमिटर छ भने ग्राफिन ब्याट्रीले ९० देखि ११० किलोमिटर र लिथियम आयोन ब्याट्रीले ८५ देखि १०० किलोमिटर रेन्ज दिने कम्पनीको दावी छ ।

सो इलेक्ट्रिक स्कुटरमा १ हजार ५ सय वाट क्षमताको आयल कुल्ड हब मोटर जडान गरिएको छ जसलाई ७२ भोल्ट ५५ एम्प्यिरको कन्ट्रोलरको प्रयोगले पिक मोटर पावर २८०० वाटको आउटपुट निकालिएको छ । आयल कुल्ड हब मोटरमा प्रयोग भएको आयलले मोटरको तापक्रम ३० डिग्री सम्म कम गर्न मद्दत गर्दछ । जुन सेगमेन्टकै पहिलो रहेको कम्पनीको दावी छ ।

अर्को मोडल एस३० फिचरको मामलामा निकै मजवुत स्कुटर रहेको कम्पनीको भनाइ छ । सिंगल चार्जमा ८० देखि १०० किलोमिटरसम्म रेन्ज दिने दावी गरिएको सो स्कुटरको मूल्य २ लाख ५४ हजार ७०० रुपैयाँ निर्धारण गरिएको छ ।