लिड एसिड र लिथियम आयोन व्याट्री अप्सनमा उपलब्ध ल्यूयानको एमएनके३ इलेक्ट्रिक स्कुटर

चीनीयाँ व्रान्ड ल्यूयानको इलेक्ट्रिक स्कुटर एमएनके३ लिड एसिड र लिथियम आयोन व्याट्री अप्सनमा उपलब्ध रहँदै आएको छ । यो स्कुटरमा ७२ भोल्ट ३२ एम्पियर आवरको व्याट्री प्याक जडान गरिएको छ ।

यसको रेटेड मोटर पावर १५०० वाट तथा पिक मोटर पावर २८०० वाट रहेको छ । यो स्कुटरलाई एकपटक फूल चार्ज गर्दा ८५ किलोमिटरसम्म गुडाउन सकिने आधिकारिक वितरक जीरो इमिसन राइड एनले दावी गरेको छ ।

स्कुटरमा प्रयोग गरिएको मोटर विशेष रहेको कम्पनीको भनाई छ । उसका अनुसार यसमा मोटर आयल प्रयोग गर्नुपर्ने र जसले गर्दा मोटरलाई सधै ३० डिग्रीभन्दा कम तापक्रममा राख्न मद्धत गर्दछ । यसले थर्मल बढी भई स्कुटरमा आगालागी हुने लगायत समस्या निम्तिदैन ।

यो स्कुटरलाई ७२ भोल्टको चार्जरले ६ देखी ८ घन्टामा सजिलै चार्ज गर्न सकिन्छ । स्कुटरको टप स्पिड ६५ किलोमिटर र ग्राउन्ड क्लिरियन्स १५५ एमएम रहेको छ । स्कुटरमा रन फ्ल्याट टायर दिइएको छ । जुन पंचर भएर खाल्डाखुल्डीमा पर्दा समेत यसको रिम हवमा कुनै खरावी निम्तिदैन । स्कुटरको अगाडी डिस्क र पछाडी सेरामिक ड्रम व्रेक जडान गरिएको छ ।

यसमा सुरक्षाका लागी एन्टि थेप्ट अलार्म दिइएको छ । चार्जिङ पोर्ट समेत उपलब्ध रहेको यो स्कुटरमा आकर्षकर रियर भ्यू मिरर र डिआरएल हेडलाईट उपलब्ध छ । यो स्कुटर कालो, निलो, सेतो, खैरो र रातो रङमा उपलब्ध रहँदै आएको छ ।