चिनियाँ ईभी स्टार्टअपमा लिपमोटरले हासिल ग-यो शीर्ष स्थान

न्यू ईनर्जी भेइकल उत्पादक लिप मोटर चिनियाँ स्टार्टअप कार ब्रान्डमा अगाडि देखिएको छ । लिपमोटरले लगातार दोस्रो महिना पनि चीनको शीर्ष ईभी स्टार्टअप कम्पनीमा आफ्नो स्थान सुरक्षित राखेको हो ।

लिपमोटरले अप्रिल महिनामा ४१ हजार ३९ युनिट ईभी डेलिभरी गर्दै अन्य स्टार्टअप कार ब्रान्डलाई पछि पारेको जनाइएको छ । उसले जनवरीदेखि अप्रिलसम्म १ लाख २८ हजार ५९१ युनिट कार डेलिभरी गरेको दाबी गरेको छ ।

युरोपेली ब्रान्ड स्टेलान्टिसको प्रवेशपछि लिपमोटरको बिक्रीमा एकपछि अर्को उछाल देखिँदै गएको छ । गत अप्रिलमा लिपमोटरलाई पछ्याउँदै अर्को स्टार्टअप कार ब्रान्ड एक्सपेङले ३३ हजार ४५ युनिट कार बिक्री गरेको छ ।

३३ हजार ९३९ युनिट कार डेलिभरीसहित एलआई अटो तेस्रो भएको छ भने चौथो स्थानमा पर्न सफल साओमीले २८ हजार युनिट कार बिक्री गरेको छ । यसैगरी, पाँचौदेखि १० औं स्थानमा क्रमशः दिपल, निओ, जिकर, अवतार, भोया र ओन्भोले स्थान सुरक्षित गरेका छन् ।

यी १० उत्कृष्ट स्टार्टअप कार ब्रान्ड मध्ये लिपमोटर, एक्सपेङ, जिकर, दिपल र अवतार नेपाली बजारमा समेत उपलब्ध छन् ।