‘ड्राईभ फर अ कज’ कार्यक्रम आयोजना गर्दै लक्ष्मी ई–मोबिलिटी

काठमाण्डौ–केई ईभीको नेपालका लागि आधिकारिक वितरक लक्ष्मी ई–मोबिलिटी प्रालिले अन्तर्राष्ट्रिय महिला दिवसको अवसरमा ‘ड्राईभ फर अ कज’ नामक विशेष कार्यक्रमको आयोजना गर्ने भएको छ । कम्पनीले दिगोपनलाई समर्थन गर्ने र सामाजिक प्रभाव पार्ने उद्देश्यले कार्यक्रम आयोजना गर्न लागेको हो ।

शनिबार विहान ८ः३० बजे थापाथलिस्थित हुन्डाई शोरुमबाट -यालीसहित सुरु हुने सो कार्यक्रम धापाखेलमा रहेको सेरेब्रल पाल्सी स्कूलमा आयोजना हुनेछ । जहाँ सहभागीहरूले बालकालिकाहरुसँग अन्तरक्रिया समेत गर्नेछन् ।

सहभागीहरूलाई सेरेब्रल पाल्सी स्कूलका बालबालिकाहरुका लागि स्टेशनरी, खेलौना र अन्य वस्तुहरू दान गर्न प्रोत्साहित गरिने कम्पनीले जनाएको छ ।

सहभागीहरूलाई पुनः प्रयोगजन्य पुस्तकहरू, खेलौनाहरू तथा ह्वीलचेयरहरु ल्याउन प्रोत्साहित गरिने कम्पनीले जनाएको छ । लक्ष्मी ई–मोबिलिटीले विद्यालयलाई आवश्यक शैक्षिक सामाग्री उपलब्ध गराउने छ ।