लक्ष्मी बैंकले शुरु ग-यो क्युआर स्क्यान गरी बस टिकट काट्ने सुविधा

काठमाडौं – लक्ष्मी बैंकले ल्होत्से बहुउदेश्यीय प्रालिसँगको सहकार्यमा मोबाइल मनि र वालेटबाट क्युआर स्क्यान गरी फोनपे नेटवर्क अन्तर्गत बसको टिकट खरिद गर्न सक्ने सुविधा सुरु गरेको छ ।

क्युआरबाट बस टिकटको भुक्तानी गर्न पाउने सेवा तत्काल काठमाडौको गोंगबु बसपार्कको टिकट काउन्टरहरुमा उपलब्ध छ ।

क्युआर पेमेन्टले ग्राहकहरुलाई छिटो, छरितो एवं सहज रुपले भुक्तानी गर्न सक्ने विश्वास बैकले लिएको बताएको छ ।
लक्ष्मी बैंकले क्युआर पेमेन्टलाई अस्पताल, सपिङ मल, इन्टरनेट सेवा प्रदायक लगायत विभिन्न साना–ठूला ब्यापारिक संस्थाहरुमा संचालन गदै आएको छ ।