परीक्षणको क्रममा देखियो केटीएमको इलेक्ट्रिक स्कुटर, छिट्टै लन्च हुने

केटीएमले.आफ्नो इलेक्ट्रिक स्कुटरको परीक्षण सुरु गरेको छ । केटीएमको पहिलो इलेक्ट्रिक स्कुटर पहिले विश्व बजारमा ल्याइने र त्यसपछि भारतलगायत नेपाली बजारमा पनि भित्रिने अनुमान गर्न सकिन्छ ।

केटीएमको सो इलेक्ट्रिक स्कुटर लामो समय देखि परीक्षण भैरहेको थियो । रिपोर्टका अनुसार केटीएमले अर्को वर्षसम्म आफ्नो इलेक्ट्रिक स्कुटर लन्च गर्ने अनुमान गरिएको छ । केटीएम इलेक्ट्रिक स्कुटरले टीभीएस, सिम्पल इनर्जी, एथर, बजाज, ओकिनावा, एम्पियर, ओला र ओकाया जस्ता प्रिमियम इलेक्ट्रिक स्कुटरसँग प्रतिस्पर्धा गर्नेछ ।

केटीएम इलेक्ट्रिक स्कुटर यसको स्टाइलिस केटीएम इमोसन कन्सेप्टसँग मिल्दोजुल्दो छ । यसमा भर्टिकल स्ट्याक्ड ड्युअल प्रोजेक्टर हेडल्याम्प सेटअप देख्न सकिन्छ । यसमा एलईडी इन्डिकेटर र विन्डस्क्रिन पनि छ ।

रिपोर्टका अनुसार स्कुटरको पछाडि मोनोशकको साथ साइडमा स्लिक बडी प्यानल, आल्मुनियम स्विङआर्म, ब्याम्ब्रो ब्रेक क्यालिपर, अलोय ह्विल र डिजिटल इन्स्ट्रयुमेन्ट क्लस्टर देख्न सकिन्छ ।

केटीएमको नयाँ इलेक्ट्रिक स्कुटरमा फ्लोर माउन्टेड ब्याट्री प्याक हुनेछ । रिपोर्टका अनुसार केटीएम इलेक्ट्रिक स्कुटरका २ भेरिएन्ट हुने सम्भावना छ । यसको ४ किलोवाट मोटरको विकल्पले ४५ किमी प्रतिघन्टा र ८ किलोवाट मोटरको विकल्पले १०० किमी प्रतिघन्टा गति दिने अनुमान छ ।