कोमाकी एक्स३ इलेक्ट्रिक स्कुटर लन्च, १०० किलोमिटर सम्मको रेन्जको दावी

कोमाकी इलेक्ट्रिकले आफ्नो नयाँ कोमाकी एक्स३ इलेक्ट्रिक स्कुटर लन्च गरेको छ । सो स्कुटर ब्रान्डका अन्य इलेक्ट्रिक स्कुटरको लाइनअपमा सामेल भएको छ । यसमा एसई, एक्स वन र एमजी सीरीजको मोडेल पनि समावेश छ। 

कोमाकीले अन्तर्राष्ट्रिय महिला दिवसको अवसरमा विशेष अफर पनि ल्याएको छ । यस अफर अन्तर्गत ग्राहकले लगभग १ लाख भारु मूल्यमा दुईवटा कोमाकी एक्स३ स्कुटर किन्न सक्नेछन् । सो स्कुटर आधिकारिक डिलरशिप र ई-कमर्स प्लेटफर्ममा उपलब्ध हुनेछ।

सो स्कुटर विशेष रूपमा महिलाहरुको आवश्यकतालाई ध्यानमा राखेर डिजाइन गरिएको हो । जसका कारण यसको डिजाइन साधारण देखिन्छ ।

यसमा पूर्ण एलईडी लाइटिङ सेटअप छ, जसमा ड्युअल एलईडी हेडल्याम्प र एलईडी टर्न इन्डिकेटर समावेश गरिएको छ । स्कुटरमा डिजिटल ड्यासबोर्ड, मल्टिपल राइडिङ मोड, पार्किङ रिपेयर असिस्ट र रिभर्स असिस्ट जस्ता उन्नत फिचर समावेश गरेको छ । सो स्कुटर तीन रङमा उपलब्ध छ ।

कोमाकी एक्स३ लिथियम-आयन ब्याट्री प्याकले सुसज्जित छ, जसमा ३ किलोवाटको इलेक्ट्रिक मोटर समावेश छ । सो स्कुटर एक पटक पूर्ण चार्ज गरेपछि १०० किलोमिटरसम्म चल्न सक्छ र यसको अधिकतम गति प्रति घण्टा ५५ किलोमिटरसम्म छ ।