१६० किलोमिटरसम्म रेन्ज दिने कोमाकीको नयाँ इलेक्ट्रिक स्कुटर डिटी ३००० नेपाली बजारमा

कोमाकी विद्युतीय स्कुटर तथा मोटरसाइकलको नेपालका लागि आधिकारिक वितरक युनिटी ट्रेडिङ कन्सर्नले नयाँ स्कुटर डिटी ३००० भित्राएको छ । ३ लाख ३० हजार रुपैयाँ मूल्य निर्धारण गरेर विक्री शुरु भएको यो स्कुटरलाई कम्पनीले हाई स्पिड सेग्मेन्टमा राखेको छ ।

६२ भोल्ट ५२ एम्पीयर आवरको लिथियम आयन ब्याट्री प्याक जडान गरिएको यो स्कुटरलाई जम्मा ४ देखि ५ घण्टामा पूरा चार्ज गर्न सकिन्छ । यसमा जडित ब्याट्रीले एक पटकको पूरा चार्जमा १४० देखि १६० किलोमिटरसम्मको माइलेज दिने दावी गरिएको छ । यसको टप स्पीड भने प्रतिघन्टा ८० किलोमिटरको छ । यो स्कुटरको रेटेड पावर ३ हजार र पिक पावर ५ हजार किलोवाट रहेको छ ।

यो नयाँ स्कुटरमा फायर फ्रूफ, वाटर प्रूफ, स्मार्ट बिएमएस एक्टिभ व्यालेन्सिङ, टिएफटी टच स्क्रिन र दुवै चक्कामा डिस्क ब्रेकलगालयत विशेषताहरू उपलब्ध गराइएको छ । स्टेनलेस स्टिल फ्रेम च्यासिस, दुवै साइडमा फुट रेष्ट, व्याक गार्ड र फराकिलो वुट स्पेस जस्ता फिचर्स समेत उपलब्ध छ ।

यो स्कुटर खरिद गर्ने पहिलो २० जना ग्राहकहरूलाई कम्पनीले २० हजार रुपैयाँ छुट दिने बताएको छ । यसबाहेक स्कुटर छोप्न कभर र एउटा राम्रो गुणस्तरको हेलमेट पनि निःशुल्क उपलब्ध गराइने कम्पनी स्रोतले बताएको छ । यो कालो, निलो, रातो र ग्रे गरी चार भिन्न कलर अप्सनमा उपलब्ध छ ।