कोमाकीको अपडेट भर्सन भेनिस इलेक्ट्रिक स्कुटर रिमुभेवल ब्याट्रीसहित लन्च

कोमाकीले आफ्नो भेनिस इलेक्ट्रिक स्कुटरको अपडेट भर्सन सार्वजनिक गरेकाे छ । कम्पनीले १ लाख ६७ हजार ५०० भारु मूल्यमा सार्वजनिक गरेको हाे ।

अपडेट गरिएको मोडलमा अतिरिक्त सेफ्टी फिचर र डिटेचेबल लाइफपीओ४ एपमा आधारित स्मार्ट ब्याट्री समावेश छ । स्कुटरको ब्याट्रीका सेलमा आयरन समावेश गरिएको छ, जसले चरम अवस्थामा पनि आगोबाट सुरक्षित बनाउन मदत गर्छ । कम्पनीका अनुसार लुक्स र डिजाइनका लागि ईभीमा टिकाउ र बलियो स्टिल फ्रेम समावेश गरेको छ, जसले स्कुटरलाई अतिरिक्त सुरक्षित बनाउँछ ।

यसमा डबल सिट, ड्युअल साइड फुटरेस्ट, सुधारिएको सस्पेन्सन, सीबीएस डबल डिस्क र किफोब किलेस इन्ट्री र कन्ट्रोल जस्ता फिचर छन् । इलेक्ट्रिक स्कुटरको ब्याट्री ५ घण्टाभन्दा पनि कम समयमा फुल चार्ज गर्न सकिन्छ । पोर्टेबल चार्जरले स्कुटरलाई ४ घण्टामा ० देखि ९० प्रतिशतसम्म चार्ज गर्ने क्षमता छ । सो स्कुटरमा टीएफटी स्क्रिन पनि जडान गरिएको छ । अपडेट भेनिसमा अल्ट्रा ब्राइट फुल एलईडी लाइटिङ सिस्टम, ३००० वाट हब मोटर\५० एएमपी कन्ट्रोलर, रिभर्स मोड र तीन गियर मोड इको, स्पोर्ट र टर्बो समावेश गरेकाे कम्पनीले जनाएकाे छ ।

भेनिस स्पोर्ट क्लासिक फुल चार्जमा ७५ देखि १०० किमिसम्मको रेन्ज दिन्छ । यसको टप स्पिड ७० किमि प्रतिघण्टा छ । भेनिस स्पोर्ट पर्फरमेन्सबको रेन्ज २०० किमि र टप स्पिड ८० किमि प्रतिघण्टा छ । भेनिस अल्ट्रा स्पोर्टको रेन्ज ३०० किमि र टप स्पिड ८० किमि प्रतिघण्टा छ ।