यस्तो हुनेछ किया साइरोसको इन्टेरियर, ८ दिनपछि सार्बजनिक हुँदै

कियाले नयाँ एसयुभी साइरोसको इन्टेरियर सार्बजनिक गरेको छ । डिसेम्वर १९ मा लन्च हुने तय गरिएको साइरोसमा किया ईभी३ मा जस्तै नयाँ टु–स्पोक स्टेरिङ ह्विल रहने खुलासा भएको छ ।

उक्त मल्टि–फंक्शन स्टेयरिङमा ‘टेरेन मोड’ स्विच समेत राखिएको छ । कारको सेन्ट्रल कन्सोलमा इन्जिन स्टार्ट÷स्टप बटन र पार्किङ सेन्सर तथा ३६०–डिग्री क्यामेरा सक्रिय गर्न आवश्यक स्वितहरु समते राखिएको छ । नयाँ एसयुभी साइरोसमा युएसबी पोर्टको साथ वायरलेस चार्जिङ प्याड पनि रहनेछ ।

ड्यासबोर्डको केन्द्रमा फ्रि–स्ट्यान्डिङ टचस्क्रिन इन्फोटेनमेन्ट प्रणाली राखिएको छ । एसयूभीमा निलो एम्बियन्ट लाइटिङ र प्यानोरामिक सनरुफ समेत पाइनेछ ।

किया साइरोस दुई इन्जिन विकल्पमा उपलब्ध हुने यसअघि नै उद्घोष भैसकेको छ । जसअन्तर्गत १.० लिटर टर्बो पेट्रोल इन्जिनले ११८ बिएचपी पावर र १७२ एनएम टर्क तथा १.५ लिटर डिजेल इन्जिनले ११३ बिएचपी पावर र २५० एनएम टर्क जेनेरेट गर्दछ । कार ६ स्पिड म्यानुअल, ५ स्पिड डिसिटी र ६ स्पिड अटोमेटिक ट्रान्समिनमा उपलब्ध हुनेछ ।