अटो एक्सपोमा कियाले देखायो इभी ९ को कन्सेप्ट, यस्तो छ फिचर, व्याट्री र पावरट्रेन

कोरियन अटो निर्माता कियाले भारतमा जारी अटो एक्सपोमा आफ्नो वहुप्रतिक्षित इलेक्ट्रिक कार इभी९ को कन्सेप्ट देखाएको छ । यो नयाँ इभीलाई कियाले ई–जिएमपी आर्किटेक्चरमा निर्माण गर्न लागेको हो भने यसै वर्षको अन्तिमदेखी उत्पादन थाल्ने जनाएको छ ।

आधुनिक डिजाइमा आउन लागेको यो इभीमा कियाले आफ्नो व्राण्डको सिग्नेचर ‘टाइगर नोज’ ग्रिल दिएको छ । यसमा दिइएको जेड आकारको हेड ल्यामप क्लस्टरमा एलइडी लाइट निकै आकर्षक देखिएको छ । ४९२९ एमएम लामो, २०५५ एमएम चौडा र १७९० एमएम अग्लो यो एसयूभीको डाइमेन्सन रेन्ज रोभर एसयूभीको जत्तिकै हो ।

यो इभीमा कियाले ट्विन स्क्रिन इन्फोटेनमेन्ट लेआउट र स्पोक रहित फ्ल्याट वटम स्टेरिङ ह्विल दिएको छ । थ्री रो लेआउटमा तयार परिएको यसको क्याविनमा एम्विएन्ट लाइटिङ उपलब्ध छ । यो कार अटोनोमस ड्राइभिङ फिचर, ओभर दि एयर सफ्टवेयर अपडेट र फिचर अन डिमान्ड सहित अत्याधुनिक फिचरमा उपलब्ध हुनेछ ।

कियाले यो इभीमा ७७.४ किलोवाट आवरको व्याट्री प्याक जडान गरेको छ । यसको रेन्जका वारेमा भने कुनै जानकारी वाहिर आइसकेको छैन । ८०० इलेक्ट्रिकल आर्किटेक्चरमा तयार भएको यो कारलाई ३५० किलोवाट सम्मको फास्च चार्जरले २५ मिनेट भित्रमै १० देखी ८० प्रतिशतसम्म चार्ज गर्न सकिन्छ । यसमा डुअल मोटर र फोर ह्विल ड्राइभ समेत उपलब्ध हुन सक्ने अनुमान लगाइएको छ ।