ग्राहक झुक्याउदै छ कियाको नयाँ लोगो : प्रत्येक महिना ३० हजारले केएन कार भनेर गर्छन् गुगल सर्च

कियाले सन् २०२१ मा रेकर्ड ब्रेकिङ पाइरोटेक्निक डिस्प्ले सहितको नयाँ लोगो सार्वजनिक गरेको थियो । तर हाल सो डिजाइनका कारण धेरै ग्राहकहरु झुक्किने गरेको पाइएको छ ।

ट्विटर प्रयोगकर्ता स्विनाबेगोले सन् २०२१ को समय यता गुगलमा ‘केएन कार’ सर्च गर्नेहरुको संख्या निकै नै बढिरहेको देखे । अमेरिकामा मात्र नभई अष्ट्रेलिया, क्यानाडा र बेलायतमा समेत यस्तो ट्रेन्ड रहेको गुगल ट्रेन्ड्स डाटाले देखाएको छ । उनीहरुले केएन एसयूभी, केएन कार ब्रान्ड, केएन कार ब्रान्ड इलेक्ट्रिक आदि टाइप गरेर सर्च गर्ने गरेका छन् ।

यद्यपि यही समयमा करिव १८ लाख ३० हजार सर्च भने किया नामबाटै गर्ने गरिएको छ । तर पनि नयाँ लोगोमा रहेका अल्फाबेट के, आई र ए नभई हेर्दा कतिपयलाई के र एन जस्तो लाग्ने गरेको पाइएको छ ।

यद्यपि किया कुनै सानो ब्रान्ड होइन । तर पनि यस्ता रोचक कुरा पढ्न पाउनु धेरैका लागि रोमान्चक हुने गर्छ ।