नेपाल सुपर लिगको उपाधि काठमाडाैं रेजर्सलाई

काठमाडौं- काठमाडौं रेजर्सले पहिलो नेपाल सुपर लिग-एनएसएल फुटबल प्रतियोगिताको उपाधि जितेको छ।

दशरथ रंगशालामा शनिबार भएको फाइनलमा काठमाडौं रेजर्सले धनगढी एफसीलाई १-० गोलले हरायो। काठमाडौंका विदेशी खेलाडी मेसौके ओलाउमुले गोल गरे। उनले २१ औँ मिनेटमा गरेको गोल निर्णायक बनेको थियो। जितसँगै काठमाडौं रेजर्सले ३५ लाख रुपैयाँ पनि पाएको छ। प्रतियोगिताअन्तर्गत अघिल्ला दुवै भिडन्तमा धनगढीले काठमाडौंलाई हराएको थियो।

फ्रेन्चाइजमा आधारित नेपालमा पहिलोपटक आयोजना भएको यस प्रतियोगितामा ७ टोलीको सहभागिता रहेको थियो।

काठमाडौं रेजर्स एमएडब्ल्यु इन्टरप्राइजेज र धनगढी फुटबल क्लब कन्टिनेन्टल ट्रेडिङ इन्टरप्राइजेजको समर्थन प्राप्त क्लब हो । यी दुवै कम्पनीले नेपालमा क्रमशः यामाहा बाइक र किया गाडी बिक्री–वितरण गरिरहेका छन् ।