कामा ईभी१ को नयाँ भर्सन नेपाली बजारमा, यस्तो छ मूल्य र विशेषता

काठमाडौं–चिनियाँ ईभी ब्रान्ड कामाले आफ्नो लोकप्रिय मिनी पिकअप ‘ईभी१’ को नयाँ भर्सन नेपाल ल्याएको छ । कामाको आधिकारिक वितरक मेगा मोटर्सले परिष्किृत डिजाइन र थप फिचरसहित ईभी१ को नयाँ भर्सन नेपाल ल्याएको हो ।

३३ लाख ९० हजार रुपैयाँ मूल्य निर्धारण गरिएको यस नयाँ मिनी पिकअपको बिक्री छिट्टै सुरु हुने कम्पनीले जनाएको छ ।

नयाँ ईभी१ को कार्गो साइज ११ फिट रहेको छ भने यसले २ टनसम्मको भार वहन गर्न सक्दछ । साथै, यस ईभीमा एसी, पावर स्टेरिङ, डिजिटल क्लस्टर, एमपी५ र रियर भ्यू क्यामेरा लगायत अन्य थुप्रै आधुनिक फिचर उपलब्ध गराइएको छ ।

७० किलोवाट क्षमताको मोटर र ३८ किलोवाट आवरको ब्याट्री प्याक जडान गरिएको यस ईभीले सिंगल चार्जमा ३०० किलोमिटर रेन्ज दिने दाबी गरिएको छ । कम्पनीले यसमा ५ वर्ष अर्थात २ लाख किलोमिटर वारेन्टि दिएको छ ।

कामा चीनको सबैभन्दा ठूलो मध्ये एक कमर्सियल गाडी उत्पादन गर्ने कम्पनीका रुपमा परिचित छ । चीन सरकारको समेत स्वमित्व रहेकाले यस कम्पनीले उत्पादन गर्ने सवारीसाधनलाई गुणस्तरिय मान्ने गरिन्छ ।

कामाको हाल फ्याक्ट्रि फिटेड कन्टेनर, मिनि पिकअप र १४ सिटर भ्यान नेपाली बजारमा उपलब्ध छन् । यी ईभी बिक्री गर्न कम्पनीले देशका विभिन्न १४ स्थानमा डिलर नेटवर्क विस्तार गरेको छ ।