केई एक्सचेन्ज कार्निभल हुने, पुराना गाडीसँग केईका विभिन्न ईभी मोडल साट्न सकिने

काठमाडौं – नेपालका लागि केई ईभीको आधिकारिक वितरक लक्ष्मी ई-मोबिलिटी र जीओ अटोमोबाइल्सले केई एक्सचेन्ज कार्निभल २०८२ आयोजना गर्ने भएका छन् । काठमाडौंको थापाथलीस्थित केई शोरुमसँगै हुन्डाईको विपरित दिशामा रहेको शोरुममा आगामी बैशाख २६ देखि २८ गते सम्म उक्त कार्निभल हुनेछ ।

सो अवसरमा पुराना गाडीसँग ई–क्युट ०२, ई–क्युट ०४ र एक्स३ प्रो गरी केई ईभीका तीन मोडल विशेष अफरका साथ साट्न सकिने छ । ग्राहकले पुराना कुनै पनि ब्रान्डका गाडीको अन–द–स्पट भ्यालुएसनका साथै बेस्ट रिसेल भ्याल्यु पाउने छन् भने आकर्षक नगद छुटका साथै प्रत्येक भ्यालुएसन वापत जोडीका लागि क्युएफएक्स मुभी टिकट समेत प्राप्त गर्नेछन् ।

त्यसैगरी तोकिएका मोडलमा व्यापक बिमा, सडक दस्तुर छुटका साथै एक्सचेन्ज बोनस लगायतका फाइदा लिन सकिने छ ।

प्रत्येक बुकिङ वापत ई–क्युट गाडी बुकिङ गर्ने ग्राहकले बोस जेट कार वासर र एक्स३ प्रो बुकिङ गर्ने ग्राहकले बोस वासिङ मेसिन उपहार पाउने छन् ।

सबै उमेर समूहका व्यक्तिहरुका लागि इभेन्टलाई मनोरञ्जनात्मक बनाउन पारिवारिक मनोरञ्जन, गेम र म्युजिकको व्यवस्था समेत गरिएको कम्पनीको भनाइ छ ।