दुई वर्षभित्र कियाले भारतमै इलेक्ट्रिक कारको उत्पादन शुरु गर्ने, नयाँ एसयूभी र एमपिभी ल्याउने तयारी

कोरियन अटो निर्माता कियाले २०२५ भित्र भारतमै इलेक्ट्रिक कारको उत्पादन शुरु गर्ने भएको छ । दुई वर्षभित्र नयाँ इलेक्ट्रिक एसयूभी र एमपिभीलाई भारतमै उत्पादन गर्ने योजना वनाएको कम्पनीले यी कारका वारेमा थप जानकारी भने वाहिर ल्याएको छैन । कियाले हाल भारतमा इभी ६ लाई आयत गरी बिक्री गर्दै आइरहेको छ ।

इभीको विकास र खोजका लागी उसले भारतीय प्लान्टमा २ हजार करोड लगानी गर्ने समेत जनाएको छ । भारतीय बजारमा एमपिभीको माग राम्रो भएको र हाल कारोवार भइरहेको क्यारेन्स र कार्निभलले उत्साहप्रद कारोवार गरिरहेका कारण कम्पनीको पहिलो प्राथमिकतामा इलेक्ट्रिक एमपीभी पर्ने देखिएको हो । यो नयाँ इलेक्ट्रिक एमपिभीलाई उसले भारतीय बजार लक्षित गरेर उत्पादन गर्ने जनाएको छ ।

यसैगरी कम्प्याक्ट एसयूभीमा सेल्टोस र सोनेटले दमदार कारोवार गरिरहेका कारण नयाँ इलेक्ट्रिक एसयूभी समेत कम्प्याक्ट सेग्मेन्टकै हुने वताइएको छ । यो नयाँ एसयूभीलाई उसले एवाई कोडनेम दिएको छ । जुन इन्टरनल कम्वस्चन इन्जिनमा समेत उपलब्ध हुनेछ ।

कियाका इलेक्ट्रिक कार नेपाली बजारमा समेत बिक्री हुँदै आइरहेका छन् । नेपालका लागी आधिकारिक विक्रेता कन्टिनेन्टल इन्टरप्राइजेजले सोल र निरो इभी विक्री गर्दै आइरहेकोमा हाल यी गाडी नेपाल आयत हुन सकिरहेका छैनन् भने छिट्टै इभी६ र निरोको नयाँ मोडल ल्याउने तयारी गरिरहेको छ ।