९० अर्व भारुमा तयार भएको चेन्नई प्लान्टमा जगुआर ल्याण्ड रोभरको एसेम्बली सुरु

टाटा मोटर्सले भारतको चेन्नई प्लान्टमा जगुआर ल्याण्ड रोभर(जेआरएल)को एसेम्बली सुरुगरेको छ । चेन्नई नजिकैको पानापक्कम प्लान्टमा पहिलो रेन्ज रोभर मोडल इभोकमार्फत टाटाले एसेम्बली सुरु गरेको हो ।

टाटाले आफ्नो नयाँ चेन्नई प्लान्टमा ९० अर्ब भारु लगानी गरेको छ । वार्षिक २ लाख ५० हजार सवारी साधन निर्माण गर्ने गरी डिजाइन गरिएको यस नयाँ प्लान्टले सुरुमा जेआरएल ब्रान्डका सवारी साधन एसेम्बल गर्ने विषयमा ध्यान केन्द्रित गर्नेछ ।

हाल पुणे प्लान्टमा जेआरएल सवारी साधन एसेम्बल गर्दै आएको टाटा मोटर्सले उक्त प्लान्टमार्फत समेत सिकेडीलाई जारी राख्ने देखिएको छ । कम्पनीले पुणेमा एसेम्बली गरिएका मोडलहरु चेन्नईमा सार्ने कि नसार्ने भन्ने बारेमा कुनै जानकारी बाहिर ल्याएको छैन ।

पुणे प्लान्टको क्षमता सिमति भएका कारण भारतमा जेआरएलका सवारीसाधन खरिद गर्न ग्राहकले लामो समयसम्म कुर्नुपर्ने बाध्यता रहादै आएको थियो । चेन्नई प्लान्ट सञ्चालनमा आएसंगै अव ग्राहकले छिटो भन्दा छिटो जेआरएलका सावारीसाधन हात पार्न सक्ने टाटा मोटर्स प्यासेन्जर भेहिकलका एमडी शैलेश चन्द्रले बताए ।